రికార్డులు తిరగరాసేస్తున్నాడు

సాధారణంగా ఎవరైన ఒక గిన్నిస్ రికార్డ్ కొట్టాలంటేనే చాలా కష్టం. అలాంటిది ఒక వ్యక్తి ఇలా 36 ఏళ్లుగా దాదాపు 550 గిన్నిస్‌ రికార్డులను నెలకొల్పాడు. న్యూయార్క్‌కు చెందిన ఆశ్రిత ఫర్మాన్‌ అత్యధిక గిన్నిస్‌ రికార్డులున్న వ్యక్తిగా పేరు సాధించాడు. ఈయన న్యూయార్క్‌లో చిన్మయ్‌ అనే భారతీయ ధ్యాన గురువు దగ్గర శిష్యరికం చేశాడు. తర్వాత ఒకసారి ఇరవై నాలుగు గంటల పాటు సైకిల్‌ తొక్కే పోటీలో పాల్గొన్నాడు. అందులో మూడో స్థానంలో నిలిచాడు.

ఆ తరువాత ఆపకుండా 27వేల జంపింగ్‌ జాక్స్‌ (గాల్లోకి ఎగిరి దూకడం) చేసి తొలి రికార్డు సృష్టించాడు. స్విమ్మింగ్‌ పూల్‌ లోపల ఎక్కువ దూరం (2.8కి.మీ) సైకిల్‌ తొక్కడం, కారుని 24కి.మీలు లాక్కెళ్లడం, తలమీద పాల సీసా పెట్టుకుని 120కి.మీ నడవడం, పెద్ద బంతిపైన ఎక్కువసేపు తూలకుండా నిల్చోవడం(2గం.16ని.), అతిపెద్ద పెన్సిల్‌ తయారీ (72 అడుగులు)... ఇలా మొత్తందాదాపు 550 గిన్నిస్‌ రికార్డులను నెలకొల్పాడు.