స్నాక్స్‌లో విషాహారం, ఇంటర్ విద్యార్థి మృతి

స్నాక్స్ తిని ఇంటర్మీడియట్ విద్యార్థి మృతి చెందిన సంఘటన తమిళనాడులోని చెన్నైలో చోటు చేసుకుంది.

వివరాల్లోకి వెళ్తే...అడ్యార్ లోని సెయింట్ మైఖేల్ అకాడమీలో ఇంటర్మీడియట్ ద్వితీయ సంవత్సరం చదువుతున్న శిరీష్ సావియో మంగళవారం ఓ బ్రాండెడ్ కంపెనీకి చెందిన పాప్ కార్న్ తిన్నాడు. ఆ తరువాత కాసేపటికి అనారోగ్యానికి గురయ్యాడు. దీంతో స్థానికంగా ఓ ప్రైవేటు హాస్పిటల్ కు తరలించగా మార్గమధ్యలోనే చనిపోయినట్లు వైద్యులు వెల్లడించారు.

అయితే పోస్ట్ మార్టమ్ నిర్వహించాక విద్యార్థి మృతికి అసలు కారణాలు తెలుస్తాయని వైద్యులు చెబుతున్నారు. విద్యార్థి తల్లిదండ్రుల వినతి మేరకు మిగతా వివరాలేమీ అసుపత్రి వైద్యులు వెల్లడించలేదు.

ఎప్పుడూ చదువు, ఆటల్లోనూ చురుకుగా ఉండే శిరీష్ ఆకస్మాత్తుగా చనిపోవడం కుటుంబీకులు, అతడి స్నేహితులు, కళశాల టీచర్లు జీర్ణించుకోలేపోతున్నారు.