బాలీవుడ్ స్టార్‌నే ఫోటో తీయమన్నారు

ఓ కొత్త జంట కొరియా నుంచి స్విట్జర్లాండ్ కు పర్యటనకు వెళ్లింది. అక్కడ ఆకాశాన్ని తాకేలా ఉన్న కొండలు... వాటిపై పరుచుకున్న మంచు... వారికి చాలా ఆకర్షించింది. ఇద్దరికీ జంటగా ఫోటో తీయించుకోవాలనిపించింది. ఎదురుగా ఓ యువకుడు ఇటూ అటూ తిరుగుతూ కనిపించాడు. అతని దగ్గర కెళ్లి... మా ఇద్దరికీ కొండల బ్యాక్ గ్రౌండ్ లో ఫోటో తీయరు అని అడిగారు. ఆ యువకుడు వెంటనే వారి చేతిలోని కెమెరా అందుకుని క్లిక్ మనిపించాడు. ఇలాంటి సంఘటలు ప్రతి పర్యాటక ప్రాంతం దగ్గర సర్వసాధారణంగా జరిగేవే... కానీ ఇక్కడ ఫోటో తీసింది ఓ పెద్ద స్టార్. ఆ విషయం పాపం ఆ జంటకు తెలియక ఫోటో తీయమని అడిగింది. ఇంతకీ ఆ స్టార్ ఎవరో తెలుసా? బాజీరావ్... అదేనండి రణ్ వీర్ సింగ్. అనంతరం జంటకి అతను రణ్ వీర్ సింగ్ అని తెలిసి తెగ మురిసిపోయింది.