లేడీ హోంగార్డుతో మసాజ్ చేయించుకున్న ఏఎస్ఐ

ఓ మహిళా హోంగార్డ్‌తో ఏఎస్ఐ మసాజ్ చేయించుకుంటూ మీడియాకు దొరికిపోయన సంఘటన తెలంగాణలో జరిగింది. జోగుళాంబ గద్వాల జిల్లాలో సాయుధ రిజర్వ్ ఏఎస్ఐగా పని చేస్తున్న హసన్ మహిళా హోంగార్డ్ తో మసాజ్ చేయించుకుంటుండగా మీడియాకు చిక్కాడు. తన క్యార్టర్స్‌లో మసాజ్ చేయించుకుండగా మీడియా రావడాన్ని గమనించిన హసన్ అక్కడి నుంచి పారిపోయాడు. దీనికి సంబంధించిన వీడియో బయటకు రావడంతో జిల్లా ఎస్పీ విజయ్ కుమార్ విచారణకు ఆదేశించారు. పోలీస్‌శాఖలో ఇంకా ఆర్డర్లీ వ్యవస్థ పోలేదు. ఇటీవలే హైదరాబాద్‌లో దీని ఆనవాలు కనిపించగా.. ఇప్పుడు జోగుళాంబ గద్వాల జిల్లాలో బయటపడింది.

సరూర్ నగర్ సీఐ లింగయ్య కానిస్టేబుల్‌ సైదా నాయక్‌తో మసాజ్ చేయించుకున్న వీడియో సోషల్ మీడియాలో హల్‌చల్ చేసిన విషయం తెలిసిందే. ఈ వీడియో బయటకు రావటంతో పోలీస్ శాఖ దిద్దుబాటు చర్యలకు ఉపక్రమించింది. దీనిపై అప్పట్లో రాచకొండ సీపీ మహేష్ భగవత్ సీరియస్ అయ్యారు. ఈ ఘటనపై సమగ్ర విచారణ జరిపించాలని ఆదేశించారు. లింగయ్యను కమిషనర్ కార్యాలయానికి అటాచ్ చేస్తూ ఉత్తర్వులు జారీ చేశారు. అయితే మీడియాలో ప్రసారం అయిన వీడియోలో ఉన్నది తాను కాదని లింగయ్య బుకాయించాడు. తనకు మద్యం సేవించడం అలవాటు లేదని, తనకు గిట్టని వాళ్లు కావాలనే ప్రచారం చేశారని లింగయ్య ఆరోపించారు.