అమ్మో.. రాకాసి అల

అమ్మో.. అది నిజంగానే రాకాసి అల. కానీ సునామీ అల కాదు. ఈదురు గాలుల వల్ల సముద్రంలో ఏర్పడిన భారీ అలే అయినప్పటికీ దాని బారిన పడితే ఇక అంతే సంగతులు అని చెప్పే రేంజిలో అల్లంత ఎత్తున అది పైకిఎగిసింది. 2013లో ఐస్‌ల్యాండ్, యూకే మధ్య ఈ అల నమోదయింది. ఆ సంవత్సరం ఫిబ్రవరి నెలలో రేగిన భారీ ఈదురు గాలుల కారణంగా ఈ ఉత్తర అట్లాంటిక్ సముద్రంలో 62 అడుగుల ఎత్తున ఎగసిన భారీ అల చూసిన వ్యక్తులు కొయ్యబారి పోయారు. గంటకు దాదాపు 82 కిలోమీటర్ల వేగంతో కూడిన గాలుల మూలంగా ఏర్పడిన ఆ అలే ఇప్పటి వరకు అతి పెద్ద అలగా ప్రపంచ వాతావరణ సంస్థ అధికారులు తెలిపారు.

ఉత్తర అట్లాంటిక్ సముద్రంలోనే 2007వ సంవత్సరంలో ఏర్పడిన భారీ అలనే ఇప్పటి వరకు అతిపెద్ద అలగా భావించారు. దాని రికార్డును 2013నాటి అల అధిగమించింది.