ఆహ్వాన పత్రిక వీడియోనే ఇలా ఉంటే మరి పెళ్లి....

మైనింగ్ రారాజుగా పేరుగాంచిన గాలి జనార్ధన్ రెడ్డి తన కుమార్తె వివాహానికి వందల కోట్లు ఖర్చు చేసి అంగరంగ వైభవంగా జరిపించడంతో దేశ వ్యాప్తంగా చర్చనీయాంశమైంది. అదేస్థాయిలో మహారాష్ట్రలో కూడా ఓ వివాహం జరిగింది. భారతీయ జనతా పార్టీ మహారాష్ట్ర అధ్యక్షుడు రావ్‌సాహెబ్ పాటిల్ దన్వే కుమారుడు, భోకార్దన్ నియోజవర్గ ఎంఎల్ఏ సంతోశ్ దన్వే వివాహం కూడా అత్యంత విలాసవంతంగా జరిగింది.

ఔరంగాబాద్‌ శివార్లలోని జబిందా ఎస్టేట్‌లో జరిగిన సంతోశ్ దన్వే వివాహానికి భాజపా ప్రముఖులతోపాటు ఇతర రాజకీయ పార్టీలకు చెందిన నేతలందరూ విచ్చేశారు. రాజప్రసాదాన్ని తలపించేలా ఏర్పాటు చేసిన పెళ్లి మండపం అతిథులను విశేషంగా ఆకట్టుకుంది. అంతకుముందు వివాహా ఆహ్వానానికి సంబంధించిన వీడియోను వరుడు సంతోశ్ తన ఫేస్‌బుక్‌లో పోస్ట్ చేశాడు. ఈ వీడియోలో కాబోయే భార్య రేణుతో సంతోశ్‌‌ రొమాన్స్, డ్యాన్స్ చేస్తూ హల్‌చల్ చేశాడు.