మృగరాజులు ఇంటి ముందు నడుస్తుంటే...

ఒక్కసారి ఊహించుకోండి... మీ ఇంటి ముందు సింహాలు నడిచి వెళుతుంటే ఎలా ఉంటుంది? అలాంటి క్షణాలే ఎదురయ్యాయి ఓ వ్యక్తికి. గుజరాత్ లోని జునాఘడ్ లో నివసిస్తున్నా మృణాల్ జోషి మంగళవారం రాత్రి ఆయన హాయిగా నిద్రపోతున్నాడు. తెల్లవారుజామున రెండున్నర సమయంలో ప్రకృతి పిలవడంతో తెలివొచ్చింది. బాత్రూమ్ కి వెళ్తామని ఇంటి బాల్కనీ దగ్గరికి వచ్చాడు. రోడ్డు మీద ఓ లుక్కేశాడు. అంతే భయంతో అడుగు కదపలేకపోయాడు. గ్రామంలోని రోడ్డుపై ఆసియా సింహాలు నడుచుకుంటూ వెళుతున్నాయి. ఒకటి కాదు రెండు కాదు... పిల్లా, పెద్దా అన్ని కలిపి 9 సింహాలు. వెంటనే తన ఫోన్ కెమెరాలో వాటిని బందించాడు జోషి. అవి అడవి నుంచి ఏకంగా 3.5 కిలోమీటరర్లు నడుచుకుని ఊళ్లోకి వచ్చేశాయి. దాదాపు ఆ ఏరియాలో పదివేల మంది నివాసం ఉంటున్నారు. వారంత విషయం తెలిసి భయంతో వణికిపోయారు. రాత్రయితే బయటకు రాకూడదని నిర్ణయించుకున్నారు. జునాఘడ్ కి రెండు కిలోమీటర్ల దూరంలోనే గిర్నార్ అటవీ ప్రాంతం ఉంది. అందులో 45 సింహాలు ఉన్నట్టు చెబుతున్నారు. దాదాపు 17,827 హెక్టార్ల విస్తీర్ణంలో అడవి విస్తరించి ఉంది.