సిమెంట్లో తలముంచాడు.. ఆ తర్వాత?

పిచ్చి పలు రకాలు.. ఈ మధ్య సోషల్ మీడియా ఫ్రాంక్ పిచ్చి కూడా ఇందులో చేరింది. బోలెడన్నీ లైకులు, వ్యూలు రావాలని ఓ వ్యక్తి చేసిన ఈ పని చూస్తే.. ‘తిక్క కుదిరింది’ అని అనకుండా ఉండలేరు. లేకపోతే.. చూసి చూసి ఎవరైనా సిమెంట్లో తల పెడతారా? ఇదిగో ఇంగ్లాండుకు చెందిన ఈ యువకుడు చేసిన ప్రాంక్ వీడియో ప్రాణం మీదకు తెచ్చింది. ఈ యువకుడు తన స్నేహితులతో కలిసి యూట్యూబ్‌లో టీజీఎఫ్ బ్రో (TGFbro) అనే చానెల్ నడుపుతున్నాడు.

నిత్యం ఏదో ఒక వెరైటీ ట్రిక్స్ చేస్తూ ఆకట్టుకుంటున్నాడు. దీంతో ఇప్పటి వరకు ఈ యువకుడు 3 మిలియన్ సబ్‌స్క్రైబర్లను సంపాదించాడు. అయితే, ఒక రోజు తన తలను సిమెంటులో పెట్టాలని నిర్ణయించాడు. తన తలకు మైకా కవర్ పెట్టుకున్నాడు. శ్వాస ఆడేందుకు వీలుగా నోటిలో పొడవైన గొట్టం పెట్టుకున్నాడు. ఆ తర్వాత సిమెంటుతో నిండిన మైక్రో ఓవెన్లో తలపెట్టాడు. We're seriously unimpressed 😡. Five of our firefighters were tied up for an hour this afternoon, freeing a YouTube pranker whose head had been 'cemented' inside a microwave oven. Read more: https://t.co/6bZReGuKQX (Photos © West Midlands Fire Service) pic.twitter.com/2ch2UhszeH — West Midlands Fire (@WestMidsFire) December 7, 2017 కొద్ది సేపటి తర్వాత సిమెంటు గడ్డ కట్టుకుపోయింది. శ్వాస కోసం ఏర్పాటు చేసుకున్న గొట్టం కూడా నొక్కుకుపోయింది. దీంతో, అతని సహచరుడు మైక్రో ఓవెన్‌ నుంచి అతడి తలను బయటకు తీయలేకపోయాడు. చేసేదేమీ లేక వెస్ట్ మిడ్ ల్యాండ్ ఫైర్ డిపార్ట్‌మెంట్‌కు ఫోన్ చేశారు. వాళ్లు అతి కష్టం మీద గడ్డకట్టిన సిమెంటు నుంచి అతడి తలను బయటకు తీశారు. ప్రాణగడం నుంచి గట్టెక్కిన ఆ యువకుడు... ఈ ఘటనను కూడా వాడేసుకున్నాడు. ఆ వీడియోను కూడా యూట్యూబ్‌లో పెట్టి తన పిచ్చి చేష్టల వల్ల ఏం జరిగిందో వివరిస్తున్నాడు. ఆ వీడియోను మీరిక్కడ చూడొచ్చు. అయితే, ఇలాంటివి మీరెప్పుడు ఇంట్లో ట్రై చేయొద్దు. ప్రాణాలు పోయే ప్రమాదం ఉంది.