సాలీడులను చంపేందుకు.. ఇంటికి నిప్పటించాడు

ఇంట్లో సాలీడు పురుగులను తరిమేందుకు ఏం చేస్తారు? మహా అయితే క్రిమి సంహారకాలు వాడతారు. కానీ, ఆ వ్యక్తి మాత్రం ఇందుకు భిన్నంగా స్పందించాడు. సాలీడ్లులు కనిపించగానే.. సాలీడ్‌గా వాటిని నిప్పుతో చంపేద్దాం అనుకున్నాడు. చివరికి ఇంటిని బుగ్గిపాలు చేశాడు. కాలిఫోర్నియాలో చోటుచేసుకున్న ఈ ఘటన ఇంటర్నెట్‌లో వైరల్‌గా మారింది.

లాస్ ఏంజిలాస్ టైమ్స్ కథనం ప్రకారం.. 23 ఏళ్ల యువకుడు తన తల్లిదండ్రులు నివాసం ఉంటున్న ఇంటికి వెళ్లాడు. అక్కడ కిటికీలో నల్లని సాలీడు పురుగుల గుంపును చూసి ఆశ్చర్యపోయాడు. దీంతో సాలిడ్లు గూళ్లు, ఇటుకలను లాగేస్తూ వాటిని లైటింగ్ టార్చ్‌తో చంపడం మొదలుపెట్టాడు. ఆ మంటలు ఇంటికి వ్యాపించడంతో క్షణాల్లో ఇల్లు బూడిదైంది. ప్రమాదం సమయంలో అతని తల్లిదండ్రులు ఇంట్లో లేరు. ఈ ఘటనలో ఎలాంటి ప్రాణ నష్టం జరగలేదు.