మసాజ్‌కు వెళ్తే మానభంగం చేయబోయాడు

మసాజ్‌ చేయించుకోవడానికి వెళ్లిన మహిళపై మసాజ్ థెరపిస్ట్ లైంగిక అఘాయిత్యానికి పాల్పడబోయాడొక మసాజ్ థెరపిస్ట్. పూనే-అహ్మదాబాద్ రోడ్డులోని ఇన్ ఆర్బిట్‌మాల్‌లో ఒక బ్యూటీపార్లర్ ఉంది. ఆ బ్యూటీపార్లరులో మహిళలకు మసాజ్ సేవలు కూడా అందిస్తుంటారు. ఆదివారం నాడు ఒక ఐటీ కంపెనీ మహిళా హెచ్.ఆర్. మేనేజర్ ఆ పార్లరుకు మసాజ్ కోసం వెళ్లారు. పార్లర్ యజమాని ఆమెకు సచిన్ నారాయణ్ సుత్తే అనే పాతికేళ్ల మసాజ్ థెరపిస్టును నియోగించారు. మసాజ్ చేసే సమయంలో అతగాడు ఆమెతో అసభ్యంగా ప్రవర్తించాడు. అంతేకాకుండా తన రూపురేఖలను కూడా అసభ్యకరమైన రీతిలో వర్ణించాడని సదరు హెచ్ఆర్ మేనేజర్ పోలీసులకు ఫిర్యాదు చేసారు.

అతని చర్యలతో బెంబేలెత్తిపోయిన ఆమె ఒక్క ఉదుటున గదిలోనుండి బయటకు వచ్చేసి, బిల్లును కట్టేసి, తనకు మసాజ్ కోసం పంపిన వ్యక్తి పేరేమిటని ఆరా తీసి వెళ్లిపోయారు. అనంతరం పోలీసులకు ఫిర్యాదుచేసారు. దీంతో రంగంలోకి దిగిన పోలీసులు అతగాడిని అరెస్ట్ చేసారు. అతనిపై ఐపీసీ సెక్షన్లు 354, 354(ఎ), 509 కింద కేసులు నమోదు చేసారు.