అత్యంత కర్కశత్వంలో మాజీ భార్యను చంపేసి, ఆమె శవాన్ని ముక్కలు ముక్కలుగా నరికి, ప్రెజర్ కుక్కర్లో ఆమె మాంసాన్ని వండాడు ఒక భర్త. కొంత మాంసాన్ని వండి, మరి కొంత శరీర భాగాన్ని ఫ్రిడ్జ్ లో దాచి పెట్టాడు. ఊహించడానికే భయంకరమైన ఈ సంఘటన మెక్సికోలో చోటు చేసుకుంది. ఆ శాడిస్టు భర్త ప్రస్తుతం పరారీలో ఉండగా.. పోలీసులు ఈ కేసును విచారిస్తున్నారు.
నిందితుడు, హతురాలు కొంతకాలం కిందట విడాకులు తీసుకున్నారు. పిల్లలు తండ్రిని చూడటానికి అని అతడి వద్దకు వెళ్లారు. వారిని తీసుకురావడానికి ఆమె మాజీ భర్త ఇంటికి వెళ్లింది. అక్కడ ఏం గొడవ చోటు చేసుకుందో కానీ.. ఆమెను పీక పిసికి చంపాడు అతడు. ఏదో క్షణికావేశంలో ఆ పని చేశాడని అనుకోవడానికి వీల్లేకుండా.. ఆమె శవాన్ని ముక్కలు ముక్కలుగా నరికాడు.
అంతటితో అతడి శాడిజం చచ్చిపోలేదు. ఆమె మాంసంతో వంట చేశాడు. ప్రెజర్ కుక్కర్లో ఆమె మాంసాన్ని వేసి ఉడికించాడు. మరి కొంత భాగాన్ని ఫ్రిడ్జ్ లో స్టోర్ చేశాడు. మాజీ భర్త వద్దన ఉన్న పిల్లలు తీసుకురావడానికి వెళ్లిన తమ కూతురు ఎంతకూ తిరిగి రాకపోవడంతో.. వాకబు చేసిన ఆమె తల్లిదండ్రులకు అసలు విషయం తెలిసిందే.
దీనిపై వారు పోలీసులకు ఫిర్యాదు చేశారు. పిల్లలను ఎదురుగానే పెట్టుకుని అతడు ఆ కిరాతకానికి పాల్పడినట్టుగా పోలీసులు తెలిపారు. అతడు పరారీలో ఉన్నాడని, రివార్డు ప్రకటించి అతడిని పట్టుకునే ప్రయత్నంలో ఉన్నామని పోలీసులు తెలిపారు.