కస్టమర్‌కి రూ. 149 కోట్లు బిల్లేసిన ఓలా!

సాధారణంగా ఓలా క్యాబ్ బుక్ చేసుకుంటే దూరాన్ని బట్టి సుమారు రూ. 600 వరకు బిల్లు వేస్తారు. కానీ ఢిల్లీలో ఓ కస్టమర్‌కి ఏకంగా రూ. 149 కోట్ల బిల్లేసింది ఓలా. దీంతో నిర్ఘాంతపోయిన ఆ కస్టమర్ ట్విట్టర్‌లో తన గోడును వెల్లబుచ్చుకున్నాడు. దీంతో స్పందించిన ఓలా కస్టమర్ సర్వీస్ తమ తప్పిదానికి క్షమించాలని, అది కేవలం టెక్నికల్ సమస్యవల్లే జరిగిందని వివరణ ఇచ్చుకుంది.

అసలు విషయంలోకి వెళ్తే.. ఢిల్లీకి చెందిన సుశీల్ నార్షియన్ అనే వ్యక్తి ఏప్రిల్ 1న ఓలా క్యాబ్ బుక్ చేసుకున్నాడు. కారెక్కి 300 మీ. దూరం వెళ్లగానే సుశీల్ ఓలా యాప్‌కి బిల్ నోటిఫికేషన్ వచ్చింది. దీనిలో ఓలా మనీ వాలెట్ నుంచి రూ. 127 చెల్లించినట్లు.. ఇంకా క్యాష్ రూపంలో రూ. 1491045368 చెల్లించాలని బిల్ నోటిఫికేషన్‌లో ఉంది. దీంతో కంగుతున్న సుశీల్ ట్విట్టర్ ద్వారా ఓలాను ఏకేశారు. తన స్మార్ట్‌ఫోన్‌కు వచ్చిన బిల్లును స్క్రీన్ షాట్ తీసి ట్వీట్ చేశారు. దీంతో వెంటనే స్పందించిన ఓలా బుకింగ్ ఐడీ తమకు ఇస్తే సమస్యను పరిష్కరిస్తామని రిప్లై ఇచ్చింది.

మళ్లీ రెండు రోజుల తరవాత సుశీల్‌కి ఓలా రిప్లై ఇచ్చింది. ‘యాప్‌లోని సమస్యను గుర్తించినందుకు ధన్యవాదాలు. మీ సమస్యను పరిష్కరించాం. మా నుంచి మీకొక చిన్న టోకెన్ ఇస్తున్నాం. సరిచూసుకోండి’ అని ఓలా రిప్లై ఇచ్చింది. ఇంతకీ ఓలా ఇచ్చిన టోకెన్ నంబర్ 1491045368 గతంలో సుశీల్‌కి క్యాబ్ బిల్లుగా వచ్చింది. అంటే యాప్‌లో ఉన్న బగ్ కారణంగా టోకెన్ నంబర్ బిల్లుగా మారిపోయి సుశీల్‌ను కంగారుపెట్టేసింది.
For a ride that didn't come to location specified, driver did not takeppen the door, I'm charged and how! Jai ho @Olacabs. Riding Uber now pic.twitter.com/SIOAFzs77g — Sushil Narsian (@SushilNarsian) April 1, 2017