భార్యను రైల్‌లో నుంచి తోసేశాడు....

కదులుతున్న రైలు నుంచి తన భార్యను ఓ వ్యక్తి తోసేసి ఆమె చావుకు కారణమయ్యాడు. ఈ దారుణం ప్రకాశం జిల్లా చిన్నగంజాం మండలం కడవకుదురు వద్ద బుధవారం తెల్లవారుజామున జరిగింది. విజయవాడ వైపు వెళ్తున్న తమిళనాడు సూపర్‌ఫాస్ట్‌ ఎక్స్‌ప్రెస్‌ రైలులో నుంచి ఓ వ్యక్తి తన భార్యను తోసేశాడు. ఈ ఘటనలో ఆయన భార్య మహిళ అక్కడికక్కడే మృతిచెందింది.

విషయం తెలుసుకున్న విజయవాడ రైల్వే పోలీసులు రంగంలోకి దిగి భర్తను అరెస్ట్ చేశారు. రిజర్వేషన్‌ చార్టు ప్రకారం ఉత్తరప్రదేశ్‌కు చెందిన మృతురాలు కల్పనగా, ఆమె భర్త సంతోష్‌కుమార్‌ గా పోలీసులు గుర్తించారు.

భార్యపై అనుమానంతోనే ప్రణాళిక ప్రకారం సంతోష్ కల్పనను తోసేసినట్లు పోలీసులు అనుమానిస్తున్నారు.