హిజ్రా మెడలో తాళికట్టిన పురుషుడు!

పెళ్లిళ్లకు అర్థాలు మారిపోతున్నాయి. ఒడిశా రాజధాని భువనేశ్వర్‌లో గురువారం భిన్నమైన వివాహం జరిగింది. గతంలోనే భార్య తనను విడిచిపెట్టిన వెళ్లిన వాసుదేవ్‌ అనే వ్యక్తి మేఘన అనే హిజ్రాను వివాహం చేసుకున్నారు. నయాపల్లిలోని దుర్గా మండపంలో హిందూ సంప్రదాయం ప్రకారం ఈ వివాహం జరిగింది.

తాను వివాహం చేసుకున్న రెండేళ్లకు తన భార్య తనను మోసగించి వేరే యువకుడితో వెళ్లిపోయిందని వాసుదేవ్ తెలిపారు. ఫేస్‌బుక్‌లో హిజ్రా మేఘనతో పరిచయం ఏర్పడిందని, అది ప్రేమగా మారి వివాహం చేసుకోవాలని నిర్ణయించుకున్నామన్నారు. తమ పెళ్లి ఇరు కుటుంబాల అనుమతితో జరిగిందన్నారు. ప్రతి మనిషికి తోడు అవసరమని, వృద్ధాప్యంలో మేఘన తనకు తోడుగా ఉంటుందనే నమ్మకం ఉందని చెప్పారు.

మేఘన, వాసుదేవ్‌ల వివాహం చట్టం పరిధిలోకి రాదన్నారు. అందువల్ల ఈ వివాహానికి చట్టం అంగీకారం కల్పించాలని కోరుతూ న్యాయస్థానాన్ని ఆశ్రయిస్తామని హిజ్రాల మహాసంఘం న్యాయవాది శ్రీనివాస్‌ మహంతి తెలిపారు.