రన్ వే పైనే పేలిన విమానం టైరు

గురువారం సాయంత్రం ముంబై ఎయిర్ పోర్టులో ఓ విమానం టైరు పేలిపోయింది. దీంతో కాసేపు ఏం జరిగిందో తెలియక కలకలం రేగింది. ప్రత్యక్ష సాక్షులు చెప్పిన దాని ప్రకారం.... జెట్ ఎయిర్ వేస్ కి చెందిన ఓ విమానం ఢిల్లీ నుంచి రాత్రి 9.50 నిమిషాలకు ముంబై ఎయిర్ పోర్టులో ల్యాండ్ అయింది. ఆ సమయంలో పెద్ద శబ్దంతో పాటూ... విమానం కింద నుంచి నిప్పురవ్వలు ఎగిసి పడ్డాయి. విమానం కుడి వైపుకి ఒరిగిపోయింది. ఆ సమయంలో విమానంలో 127 మంది ప్రయాణికులు ఉన్నారు. విమానం ఆగేంతవరకు వారంతా భయాందోళనకు గురయ్యారు. అనంతరం జెట్ ఎయిర్ వేస్ ప్రతినిధి మాట్లాడుతూ టెక్నికల్ సమస్యలు ప్రధాన్ గేర్లో తలెత్తడం వల్ల ఇలా జరిగిందని చెప్పారు. ఈ ఘటనతో ప్రధాన రన్ వేను కాసేపు మూసివేసి, మరొక రన్ వేను ఉపయోగించారు.