కత్తి మహేష్ ఫోన్ నంబర్ ఇదేనా..?

జనసేన పార్టీ గురించి, పవన్ కల్యాణ్ గురించి నిత్యం విమర్శలు చేస్తూ కత్తి మహేష్ వార్తల్లో నిలుస్తోన్న సంగతి తెలిసిందే. ‘నోరువిప్పిన ప్రతిసారీ అజ్ఞాతవాసి కాదు, అజ్ఞానవాసి అని తేలుతోంది. అంతే..’ అంటూ ఇటీవల ఆయన పవన్‌ను విమర్శించాడు. జనసేనాని ఏం మాట్లాడినా వెంటనే మీడియా ముందుకొచ్చి విమర్శించడం ఆయనకు అలవాటుగా మారింది. ప్రజారాజ్యం పార్టీ గురించి పవన్ మట్లాడగా.. ‘పీఆర్పీకి 18 సీట్లయినా వచ్చాయి. కానీ జనసేనకు ఒక్క సీటు కూడా రాదు. పవన్ కల్యాణ్ గెలవడం కూడా కష్టమే’ అంటూ కత్తి విమర్శించాడు. ఆ పార్టీని కాపుల పార్టీగా చిత్రీకరించాడు.

కత్తి మహేష్ ఏం విమర్శించినా స్పందించొద్దని ఇప్పటికే పవన్ తన అభిమానులకు సూచించారు. జనసేన కూడా కార్యకర్తలకు ఇదే తరహా ఆదేశాలు జారీ చేసింది. తనకు ఫోన్లు వస్తున్నాయని, బెదిరిస్తున్నారని గతంలో కత్తి మహేష్ వాపోయిన సంగతి తెలిసిందే. కానీ ఇప్పటికీ నెట్లో ఎక్కువ మంది కత్తి మహేష్ వివరాల కోసం, ముఖ్యంగా ఆయన ఫోన్ నంబర్ కోసం సెర్చ్ చేస్తున్నారు. ఫేస్‌బుక్‌లో కత్తి మహేష్ అని టైప్ చేయగానే.. ముందుగా ‘కత్తి మహేష్ ఫోన్ నంబర్’ అనే వస్తోంది. గూగుల్‌లో.. కత్తి మహేష్ అని టైప్ చేయగానే కత్తి మహేష్ క్యాస్ట్, కత్తి మహేష్ వైఫ్, కత్తి మహేష్ ఫోన్ నంబర్ అనే కీవర్డ్‌లు ఆటోమేటిగ్గా వచ్చేస్తున్నాయి.

దీన్ని బట్టి పవన్ ఫ్యాన్స్ కత్తి మహేష్ పట్ల ఎంతటి ఆగ్రహంగా ఉన్నారో, ఆయన గురించి తెలుసుకోవాలని ఎంతలా కోరుకుంటున్నారో అర్థమవుతోంది. సందట్లో సడేమియాలా.. ఇవే కత్తి మహేష్ ఫోన్ నంబర్లంటూ కొంత మంది ఫేస్‌బుక్‌లో ఫోన్ నంబర్లను ఉంచారు. అవెంత మాత్రం నిజమో తెలుసుకోవడానికి కాల్ చేస్తే.. ఒకటేమో స్విచ్ఛాఫ్ వచ్చింది. మరొక నంబరేమో.. రింగ్ అయ్యాక వెంటనే కట్ అయ్యింది.