పద్మనాభస్వామి గుడి: చుడీదార్లకు నో

కేరళలోని శ్రీ పద్మనాభస్వామి ఆలయంలోనికి చుడీదార్లతో మహిళలు ప్రవేశించేందుకు అనుమతి లేదని కేరళ హైకోర్టు తెలిపింది. ఆ గుడి ఎగ్జిక్యూటివ్ ఆఫీసర్ చుడీదార్లు, సల్వార్ కమీజ్‌లలో కూడా స్త్రీలను ఆలయం లోపలికి అనుమతించాలని కోరుతూ వేసిన పిటిషన్‌ను కొట్టివేసింది. దీంతో పూర్వ కాలం నుంచి సాగుతున్న సాంప్రదాయానికే కోర్టు మద్దతు తెలిపినట్టు అయ్యింది. అంతేకాదు తంత్రి (ప్రధాన పూజారి) చెప్పిన సాంప్రదాయాలే అంతిమ నిర్ణయమని, ఎగ్జిక్యూటివ్ ఆఫీసర్ కేవలం ఉద్యోగేనని అతను సాంప్రదాయాన్ని మార్చలేరని వ్యాఖ్యానించింది.

పద్మనాభస్వామి ఆలయంలోనికి ప్రవేశించే భక్తులు తప్పనిసరిగా డ్రెస్ కోడ్ పాటించాలన్న నియమం ఉంది. మగవారు ధోతీ, ఆడవాళ్లు చీర, పావడా ధరించవచ్చు.