వాట్సాప్‌తో ‘మ్యాచ్’ ఫిక్సింగ్!

మీకు నచ్చిన భాగస్వామి కోసం మ్యారేజ్ పోర్టల్స్, పేపర్ ప్రకటనలు చూసి చూసి విసుగుపోయారా? అయితే, మహారాష్ట్ర తరహాలో తెలుగు రాష్ట్రాల్లోనూ ఏమైనా ‘మ్యాచ్ మేకింగ్’ గ్రూప్ ఉన్నాయేమో ట్రై చేయండి. ఔను, ఎలాంటి శ్రమా లేకుండా మొబైల్ నుంచే మీకు నచ్చిన వధువరులను ఎంపిక చేసుకునే వెసులుబాటును కల్పిస్తూ అంధశ్రద్ధ నిర్మూళన్ సమితి.. వాట్సాప్ గ్రూప్‌ను ప్రారంభించింది. ఇందులో సభ్యులయ్యే యువత తమ జీవిత భాగస్వామి ఎలా ఉండాలి, తదితర అభిరుచులను తెలిపితే చాలు.

ఈ గ్రూపు కేవలం 50 రోజులు మాత్రమే ఉంటుంది. 45 రోజుల్లో రోజుకో ప్రశ్న చొప్పున 45 ప్రశ్నలు వేస్తారు. ఇందులో ప్రతి ప్రశ్నకు సభ్యులు సమాధానం ఇవ్వాలి. ఈ గ్రూపులో చేరడానికి వయస్సు 18 ఏళ్లు నిండితే చాలు. ఈ గ్రూప్ ద్వారా ఇప్పటి వరకు ఏడు జంటలు ఒక్కటయ్యాయి. కులం, మతం, భాష పట్టింపులు లేనివారు ఎవరైనా సరే ఈ గ్రూపులో చేరొచ్చు.

భాష, ప్రాంతం వంటి పట్టింపులు లేనివారు ఈ ఫోన్ నెంబర్లకు వాట్సాప్ రిక్వెస్ట్ పంపి, గ్రూపులో చేరొచ్చు.
నిషా - 99 225 9 6158 మరియు సచిన్ - 8424041159.