భర్త లేకుండా హనీమూన్ ఇలా ఉంటుంది...

పెళ్లయిన భార్యాభర్తలు కలిసి హనీమూన్ కి వెళితే బాగుంటుంది. అదే ఒకరే వెళితే అబ్బో ఆ బాధ చెప్పతరం కాదు... పాపం అలాంటి పరిస్థితే ఎదురైంది ఆ యువతికి. హుమా, అర్సలాన్ పాకిస్టాన్ లోని లాహోర్లో ఉంటున్నారు. వారిద్దరికి పెళ్లయింది. ఇద్దరూ కలిసి ఓసారి హనీమూన్ కి వెళ్లొచ్చారు. మళ్లీ రెండో హనీమూన్ కి వెళ్లడానికి సిద్ధపడ్డారు. తమతో పాటూ అర్సలాన్ తల్లిదండ్రులను కూడా తీసుకెళ్లాలనుకున్నారు. గ్రీస్ కి వెళ్లాలని నిర్ణయించుకుని గ్రీస్ ఎంబసీ దరఖాస్తు చేసుకున్నారు. అయితే హుమాకు, ఆమె అత్త మామలకు వీసా వచ్చింది కానీ, అర్సలాన్ కు వీసా రాలేదు. దీంతో కోడలు, అత్తమామలతో కలిసి హనీమూన్ కు వెళ్లాల్సి వచ్చింది. భార్య ఒక్కతే హనీమూన్ కి వెళితే ఎలా ఉంటుందో... ప్రతి చోట ఫోటోలు తీయించుకుని సోషల్ మీడియాలో పెట్టింది. అవి వైరల్ గా మారి... అందరినీ ఆకర్షిస్తున్నాయి.