సోషల్ మీడియాలో పన్నీరే హీరో..

తమిళనాట ముఖ్యమంత్రి సీటు కోసం జరుగుతున్న పోరు రసవత్తరంగా మారడంతో పన్నీర్ సెల్వం అభిమానులు, మద్దతుదారులు సోషల్ మీడియాలో జోరుపెంచారు. తమిళనాడుకు ముఖ్యమంత్రి పన్నీరే అంటూ ఆయన్ని హీరోను చేస్తున్నారు. అంతేకాకుండా రజనీకాంత్ పాటలను బ్యాక్‌గ్రౌండ్‌లో పెట్టి వీడియోలు క్రియేట్ చేస్తున్నారు. అమ్మ ఉన్నప్పుడు సెల్వం ఎలా ఉండేవారు.. ఇప్పుడు ఆయన ఓ శక్తిగా ఎలా మారారో చూపిస్తూ ఫేస్‌బుక్‌లో షార్ట్ ఫిల్మ్‌లు పోస్ట్ చేస్తున్నారు.

కబాలి సినిమాలో రజినీకాంత్ చెప్పిన డైలాగులు పన్నీరుకు అనుకూలంగా మార్చి యూట్యూబ్‌లో పెడుతున్నారు. ఇప్పుడు ఇవన్నీ వైరల్‌గా మారుతున్నాయి. కాగా, దేశవ్యాప్తంగా వార్తా వెబ్‌సైట్లతో పాటు కొన్ని సంస్థలు నిర్వహించిన పోల్స్, సర్వేలో 90 శాతానికి పైగా పన్నీర్ సెల్వం సీఎం కావాలని అభిప్రాయం వ్యక్తం చేసారు.