సమీ పాపాయితో మోదీ ఆటలు!

ఎప్పుడూ బిజీబిజీగా గడిపే ప్రధాన మంత్రి నరేంద్ర మోదీ కాసేపు బుజ్జి పాపాయితో ఆడుకున్నారు. తన కార్యాలయానికి వచ్చిన బుజ్జాయిని ఆడించారు. ఇంతకీ ఆయనతో ఆడుకున్న చిట్టితల్లి ఎవరో తెలుసా.. ప్రముఖ గాయకుడు అద్నాన్ సమీ కూతురు. సమీ, రోయా ఫర్యాబి దంపతులకు ఈ ఏడాది మే నెలలో పాప జన్మించింది. పాపాయికి మెదీనా అని నామకరణం చేశారు. భార్య, బిడ్డతో కలసి సమీ ఇటీవల ప్రధాని నరేంద్ర మోదీని కలిశారు. ఢిల్లీలోని లోక్ కళ్యాణ్ మార్గ్‌లో ఉన్న ప్రధాని కార్యాలయానికి వెళ్లిన సమీ దంపతులు సుమారు 40 నిమిషాల పాటు మోదీతో భేటీ అయ్యారు. ఈ సందర్భంగా తీసుకున్న ఫొటోలను సమీ సోషల్ మీడియా ద్వారా పంచుకున్నారు.
  It was extremely beautiful in the manner with which our Honourable Prime Minister Sri Narendra Modi ji welcomed us with his love & warmth. The way he played with & blessed our little angel Medina was the most touching sight of all... We enjoyed every memorable moment& thus are truly obliged.🙏💖😊 #primeminister #india #love #warmth #welcome #baby #happy #angel #music #sweets #life #moments #delhi A post shared by Adnan Sami (@adnansamiworld) on Sep 9, 2017 at 8:13am PDT
ట్విట్టర్, ఇన్‌స్టాగ్రామ్ ద్వారా ఫొటోలను షేర్ చేశారు సమీ. ‘మాకు ఇంత అద్భుతమైన ఆతిథ్యాన్ని ఇచ్చి, మా కూతురు మెదీనాను ఆశీర్వదించిన గౌరవనీయులు నరేంద్ర మోదీ గారికి ధన్యవాదాలు. ప్రతి క్షణాన్ని ఆనందించాం’ అని సమీ పేర్కొన్నారు. ఈ ఫొటోలలో పాపాయి బుగ్గలు తడుముతూ మోదీ కనిపించారు. సమీ దంపతులతో పాటు మోదీ చాలా ఆనందంగా గడిపినట్లు ఫొటోల్లో స్పష్టంగా తెలుస్తోంది. ఇంతకీ సమీ మోదీని ఎందుకు కలిశారనే విషయంపై మాత్రం స్పష్టత లేదు. నరేంద్ర మోదీనే వారిని స్వయంగా ఆహ్వానించినట్లు సమాచారం.

కాగా.. అద్నాన్ సమీ, రోయా ఫర్యాబి 2010లో పెళ్లి చేసుకున్నారు. ఇది సమీకి మూడో పెళ్లి. సమీ గతంలో జెబా బఖ్తియార్, సబా గలాదరితో దాంపత్య జీవితం గడిపారు. పాకిస్థాన్ సింగర్ అయిన సమీ.. 2015లో భారత పౌరసత్వం పొందారు. బాలీవుడ్‌లో ఎన్నో సినీ, ఆధ్యాత్మిక పాటలను ఆలపించిన సమీ.. తెలుగులోనూ పలు పాటలు పాడారు.