ప్రీతి జింతాకి పెళ్లయిపోయింది...

సొట్ట బుగ్గల సుందరి ప్రీతి జింతాకు పెళ్లయిపోయిందట. లాస్ ఏంజలస్‌లో తన ప్రియుడు జెనె గుడెనఫ్ ని ఎలాంటి హంగూ ఆర్భాటం లేకుండా కేవలం కుటుంబ సభ్యుల మధ్యే వివాహం చేసుకుందట. ఫిల్మ్‌‌ఫేర్.కామ్ కథనం ప్రకారం... ఫిబ్రవరి 29న ఆమె పెళ్లి జరిగింది. ఆ పెళ్లికి హృతిక్ రోషన్ మాజీ భార్య సుసానే హాజరైనట్టు తెలుస్తోంది. ఆమె ప్రీతికి చాలా ఆప్త మిత్రురాలు. ప్రీతి, సుసానే, మరో స్నేహితురాలు సురిలీ గోయెల్ కొన్ని రోజులుగా లాస్ ఏంజలస్ లోనే ఉంటున్నారు. కాగా ప్రీతి ఏప్రిల్ లో భర్తతో కలిసి ఇండియాకు తిరిగి వస్తుంది. ఇక్కడ భారీగా హిందూ పద్ధతిలో పెళ్లి చేసుకోవాలని భావిస్తున్నట్టు తెలుస్తోంది.