ఉత్తుత్తి పెళ్లి చేసుకుని, బాలికను రేప్‌ చేసిన పూజారి!

తల్లిదండ్రులు మందలించారనే కోపంతో ఇంటి నుంచి పారిపోయిన ఓ 17 ఏళ్ల బాలికపై ఆలయ పూజారి అత్యాచారానికి పాల్పడ్డాడు. ఈ దారుణ ఘటన కర్ణాటకలోని తుముకూరు చిక్కనాయకన్ హళ్లి ప్రాంతంలో చోటు చేసుకుంది. హోసూరు ప్రధాన రహదారి అనేకల్ సమీపంలోని ఆలయంలో 20 ఏళ్ల దీపక్ పూజారిగా పని చేస్తున్నాడు. దీపక్‌తో బాధితురాలికి గతంలో పరిచయం ఏర్పడింది. ఇంటర్మీడియట్ చదువుతున్న బాధిత బాలికకు చిన్ననాటి నుంచే దీపక్‌తో పరిచయం ఉంది. అయితే పదో తరగతి పూర్తయిన తర్వాత అతడిని కలవకపోయినా, ఫో‌న్‌ చేస్తుండేవాడని పోలీసులు తెలిపారు. తల్లిదండ్రులు తిట్టారనే కోపంతో కొంత డబ్బు తీసుకుని ఆ బాలిక ఇంటి నుంచి బయటకు వచ్చేసింది. అనంతరం దీపక్ సహాయాన్ని ఆర్థించింది. దీన్ని అనుకూలంగా మలచుకున్న దీపక్ ఆమెకు మాయమాటలు చెప్పి ఆలయంలోనే ఉత్తుత్తి పెళ్లి చేసుకున్నాడు. ఆ తర్వాత ఆలయం వెనుక తన గదిలోకి తీసుకెళ్లాడు. మనకు వివాహం జరిగింద కాబట్టి, ఇప్పుడు మనమిద్దం భార్యాభర్తలమని చెప్పి, ఆమెపై అత్యాచారం చేశాడు.

ఇంటి నుంచి బయటకు వెళ్లిన తమ కూతురు కోసం తల్లిదండ్రులు పోలీసులకు ఫిర్యాదు చేశారు. ఫిర్యాదు ఆధారంగా కేసు నమోదు చేసిన పోలీసులు దర్యాప్తు ప్రారంభించారు. ఆమె మొబైల్ కాల్స్ ఆధారంగా దీపక్‌తో మాట్లాడుతున్నట్టు పోలీసులు గుర్తించారు. దీంతో ఆలయానికి వచ్చి పూజారిని అరెస్ట్ చేశారు. బాలికను నమ్మించి, అత్యాచారం చేసిన దీపక్2పై పోలీసులు సీఆర్పీసీ 164, ఐపీసీ సెక్షన్ 376, 366ఏ, 366 పోస్కో చట్టాల కింద కేసు నమోదు చేశారు. బాధిత బాలికను తల్లిదండ్రులకు అప్పగించారు.