‘రాహుల్ పెళ్లి చేసుకుంటానని మాటిచ్చాడు’

దేశంలోకెల్లా మోస్ట్ వాంటెడ్ బ్యాచిలర్ ఎవరంటే తప్పక గుర్తొచ్చే వారిలో కాంగ్రెస్ ఉపాధ్యక్షుడు రాహుల్ గాంధీ ఒకరు. 50ఏళ్లకు చేరువవుతున్న రాహుల్ గాంధీ ఇప్పటి వరకు ఎందుకు పెళ్లి చేసుకోలేదో (రాజకీయాల్లో బిజీ కావడం వల్ల అని ఆయన అనుచరులు చెబుతారు) తెలియదు కానీ...ఆయనకు పెళ్లి సంబంధాలు బోలేడు వస్తున్నాయి.

ఉత్తర్ ప్రదేశ్ లోని అలాహాబాద్ కు చెందిన ఓ మహిళ రాహుల్ తనను పెళ్లి చేసుకోవాలని మీడియా ముందుకొచ్చింది.
కాంగ్రెస్ సేవా దళ్ లో పనిచేసే ఆమె...రాహుల్ విధానాలు...దళితులతో సహపంక్తి భోజనాలు వంటి కార్యక్రమాలతో తన మనసు దోచేశాడని చెబుతోంది.

తాను ఓబీసీనని...రాహుల్ అంటే 2006 నుంచి ఎంతో ఇష్టమని, 2014లో పార్టీలో తాను పార్టీలో చేరినప్పటి నుంచి ఆయన విధానాలకు ఆకర్షితురాలునయ్యాయని చెప్పుకొచ్చింది. రాహుల్ ను ఒకట్రెండు సార్లు కలిశానని చెప్పింది. పేరు వెల్లడించని ఆవిడ...కు రాహుల్ పెళ్లి చేసుకుంటానని మాటిచ్చాడట. నిజమా? ఎప్పుడు? ఎక్కడ అని మీడియా అడిగేసరికి.. ‘కలలోకి వచ్చి పెళ్లి చేసుకుంటానని, పిల్లల్ని కూడా కందామని మాటిచ్చాడని’ చెబుతోంది.

నా కలల రాకుమారుడు నన్ను ఎందుకు పెళ్లి చేసుకోడు? అని అడిగేందుకు వచ్చానని అంటోంది.