హలో ఫ్యాన్స్.. మీ వంతు సాయం చేయండి: చరణ్

అస్సాం వరదల్లో సర్వం కోల్పోయిన బాధితులకి అండగా నిలిచే ప్రయత్నం చేశారు మెగాపవర్ స్టార్ రామ్ చరణ్. అస్సాం వరద బాధితులకి తమ వంతు ఆర్థిక సహాయం చేసి వారికి చేయతని అందించండి అంటూ తన అభిమానులకి పిలుపునిచ్చారు చరణ్. వరదల కారణంగా నిరాశ్రయులైన వారి కోసం ఎంతో కొంత విరాళంగా అందిద్దాం. మనం ఇచ్చే ప్రతీ రూపాయి వారికి ఎంతో అండగా నిలవనుంది అంటూ మెగాపవర్ స్టార్ తన ఫేస్ బుక్ పేజీ ద్వారా అభిమానులకి విజ్ఞప్తిచేశారు. అస్సాం వరద బాధితుల సహార్ధం కృషిచేస్తున్న ఓ ఫండ్ రైజింగ్ క్యాంపెయిన్ లింక్ సైతం షేర్ చేసుకున్నారు చరణ్.

చెర్రీ చేసిన ఈ మంచి ప్రయత్నానికి సోషల్ మీడియాలో ఆయనకి మంచి ప్రశంసలే లభించాయి. కష్టాల్లో వున్న వారు ఎవరైనా, ఎక్కడివారైనా.. వారిని ఆదుకునే ప్రయత్నం ఏదైనా... నిజంగా అది అభినందించదగినదే కదా మరి!