మొత్తం దోచేసి, తిండి పెట్టాడు!

టెక్సాస్: దొంగ అంటేనే చెడ్డ పదం. కానీ, దొంగల్లో మంచి దొంగ, చెడ్డ దొంగలు కూడా ఉంటారు. వీరిలో ఒకరు జనాలను చంపేందుకు కూడా వెనకాడరు. మరికొందరు.. జనాలను గాయపరచకుండా.. బెదిరిస్తూ తన పని తాను చేసుకుపోతారు. టెక్సాస్‌లోని హౌస్టన్‌లో జరిగిన దొంగతనం చూస్తే.. వాళ్లు ఏటైపు దొంగలో అర్థం చేసుకోవడం కష్టమే. అక్కడి డోనట్ దుకాణంలోకి సాయుధాలతో చొరబడిన దొంగలు... యజమానిని బెదిరించి కౌంటర్లో సొమ్మంతా దోచుకున్నారు. దుకాణంలో ఉన్న కస్టమర్ల నుంచి కూడా డబ్బులు, మొబైళ్లు కూడా లాక్కున్నారు. దోపిడీ పూర్తయ్యాక... అందులో ఒక దొంగ ఏమనుకున్నాడో ఏమో.. రెండు డోనట్స్ తీసుకెళ్లి కస్టమర్లకు సర్వ్ చేసి, సారీ చెప్పి పారిపోయాడు. ఇదంతా ఆ దుకాణంలో ఉన్న సీసీటీవీ కెమేరాల్లో రికార్డయ్యింది.