జైలు నుంచి విడుదలైన సంజయ్ దత్

బాలీవుడ్ స్టార్ సంజయ్ దత్ పుణేలోని ఎరవాడ జైలు నుంచి విడుదలయ్యారు. 42 నెలల జైలు జీవితం గడిపిన ఆయన ఇంకా ఎనిమిది నెలల శిక్ష మిగిలి ఉండగానే బయటికివచ్చారు. సత్ర్పవర్తన కారణంగా సంజయ్ దత్ కు మిగతా శిక్షను తగ్గించి గురువారం విడుదల చేశారు. 1993 ముంబై బాంబుపేలుళ్ల కేసులో అక్రమంగా ఆయుధాలను కలిగి ఉన్నారన్న నేరంపై ఈ హీరోకు అయిదేళ్ల జైలు శిక్ష విధించింది కోర్టు. అయితే జైలుకి వెళ్లిన తరువాత రెండు మూడు సార్లు ఆయన రకరకాల కారణాలు చెబుతూ జైలు నుంచి బయటికి వచ్చాడు. శిక్షా కాలంలో దాదాపు 118 రోజులు ఆయన జైలు బయటే ఉన్నాడు. దీనిపై వీఐపీ ట్రీట్ మెంట్ పేరుతో అనేక వివాదాలు, విమర్శలు చెలరేగాయి. జైల నుంచి విడుదలైన సంజయ్ దత్ కు స్వాగతం పలికేందుకు ఆయమన భార్య, కుటుంబసభ్యులు, అభిమానులు స్వాగతం పలికారు. అక్కణ్నించి ముంబై పయనమయ్యారు. రాజ్ కుమార్ హిరానీ సంజయ్ దత్ జైలు నుంచి బయటకు వస్తున్నప్పుడు ఆ వీడియోను చిత్రీకరించారు. దత్ జీవిత కథను సినిమాగా తీసే ఆలోచనలో ఉన్న ఆయన ఆ వీడియో ఉపయోగపడుతుందని ముందుగానే చిత్రీకరించాడు. సంజయ్ తన బ్యాగు తానే మోసుకుంటూ జైలు గేటు నుంచి బయటికి వచ్చి... జాతీయ జెండాకి సెల్యూట్ చేశాడు.