ఇండియాకు రానున్న ‘క్రిస్‌మస్ తాత’

క్రిస్‌మస్ తాతగా ముద్దుగా పిలుచుకునే శాంటా క్లాజ్ ఈ యేడాది క్రిస్ మస్ పండగ సందర్భంగా ఇండియాకు రానున్నారు. క్రిస్ మస్ సందర్భంగా ఆయన యేటా ఏదో ఒక దేశానికి వెళ్తుంటారు. ఈసారి డిసెంబర్ 4 నుంచి 6 దాకా ఢిల్లీ, ఆగ్రావంటి ప్రదేశాల్లో పర్యటించనున్నారు.
ఆయనది నార్త్ ఫిన్‌లాండ్ లోని లప్‌లాండ్ స్వస్థలం.
‘హో..హ..హో..హో’ అంటూ పెద్దగా నవ్వుతూ పిల్లల్ని అలరించే శాంటా...తెల్లగెడ్డం, తెలుపు, ఎరుపు దుస్తుల్లో కనిపించి కనువిందు చేస్తారు.

‘ఇండియాను సందర్శించి అన్ని వర్గాల ప్రజల్ని కలవాలను కుతుహలంతో ఉన్నాను. శాంతి, ప్రేమ, సంతోషాలనే ప్రపంచమంతా చాటిచెప్పాలన్నదే నా లక్ష్యం. నేనెక్కడికి వెళ్లినా..ప్రజల కష్టాలు, నష్టాలు వింటా. ఇండియా ఫుడ్ టేస్ట్ చేయాలనుంది’ అని శాంటా చెప్పారు.
శాంటా క్లాజ్ చిన్నపిల్లలకు చాక్లెట్లు, బహుమతులు ఇస్తూ ఉంటారు. ఆయన రూపం, దుస్తులు ప్రపంచవ్యాప్తంగా ప్రసిద్ధి పొందాయి. శాంటా క్లాజ్ వాస్తవంగా లేరని...కేవలం ఊహేనని చాలామందిలో అపొహలు కూడా లేకపోలేదు. అలాంటి శాంటాక్లాజ్ రాక కోసం ఇండియన్ క్రైస్తవులు ఎదురు చూస్తున్నారు.