మూడో అంతస్థు నుంచి పడిపోతున్న చిన్నారి..

మూడో అంతస్థు నుంచి పడిపోతున్న ఓ చిన్నారిని పట్టుకునేందుకు బాలిక తీవ్రంగా ప్రయత్నించింది. కానీ ఆ బాలిక పడిపోతున్న చిన్నారిని పట్టుకునేందుకు చేసిన ప్రయత్నాలేవీ ఫలించలేదు. అయితే అదృష్టవశాత్తు భవనం మూడో అంతస్థు నుంచి పడినా ఆ రెండేళ్ల బాలుడు ఎలాంటి గాయాలు లేకుండా బయటపడటం విశేషం.

ఈ సంఘటన చైనాలోని జింగ్ యాంగ్ లో ఈ నెల 9న చోటు చేసుకుంది.

వివరాల్లోకి వెళ్తే రెండేళ్ల బాలుడు మూడో అంతస్థులో ఉన్న తమ ప్లాటులో తల్లికోసం వెతుకుతూ తెరిచి ఉన్న కిటికీ ఎక్కాడు. అక్కడి నుంచి ప్రమాదవశాత్తు కిందకి పడిపోయాడు. అదే సమయంలో చెన్ కెయూ అనే ఆరో తరగతి బాలిక అటుగా వెళ్తోంది. ఈ లోపు బాలుడు భవనం పై నుంచి పడిపోతుండటాన్ని గమనించింది. వెంటనే ఆ బాలుణ్ని క్యాచ్ చేసేందుకు విఫలయత్నం చేసింది.

బాలుణ్ని కింద బైకులు పార్క్ చేసే స్థలం ఒక బైక్ మీద పడి అక్కడి నుంచి కింద పడిపోయాడు. వెంటనే ఆ బాలుణ్ని ఆసుపత్రికి తరలించారు. బాలుడికి చిన్నపాటి గాయాలు తప్ప ప్రమాదమేమీ లేదని వైద్యులు తెలిపారు.

బాలుణ్ని పట్టుకునేందుకు ప్రయత్నించిన ఆ బాలికను స్థానికులు ప్రశంసిస్తున్నారు. సీసీటీవీలో రికార్డయిన ఈ దృశ్యాలు...వైరల్ గా మారాయి.

మీరూ చూడండి..