షాపింగ్ మాల్లో సెక్స్ రాకెట్!
షాపింగ్ మాల్ వేదికగా సాగుతోన్న సెక్స్ రాకెట్ను ఓ పోలీస్ అధికారి రహస్య ఆపరేషన్ నిర్వహించి బయటపెట్టాడు.
TNN 20 Mar 2018, 7:05 pm
మసాజ్ ముసుగులో వ్యభిచారం నిర్వహిస్తోన్న ఓ ముఠా గుట్టురట్టయింది. షాపింగ్ మాల్ వేదికగా సాగుతోన్న ఈ దందాను ఓ పోలీస్ అధికారి రహస్య ఆపరేషన్ నిర్వహించి బయటపెట్టాడు. ఈ ఘటన దేశ రాజధానికి సమీపంలోని గురుగ్రామ్లో వెలుగుచూసింది. సెక్టార్ 50లో ఉన్న ఒమెక్స్ మాల్లోని ఒయిస్టర్ స్పాలో వ్యభిచారం సాగుతున్నట్టు పోలీసులకు సమాచారం అందడంతో వారు రంగంలోకి దిగారు. అసలు స్పాలో జరుగుతోన్న దందా ఏంటో తెలుసుకోవాలని ఓ పోలీస్ అధికారి విటుడిగా అందులోకి ప్రవేశించాడు. స్పా నిర్వాహకుడితో మాట్లాడిన తర్వాత సెక్స్ రాకెట్ నడుస్తోన్న మాట వాస్తమేనని నిర్ధరించుకున్నాడు. అనంతరం గదిలోకి వెళ్లిన తర్వాత ఆ పరిసరాల్లో మాటువేసిన తన సిబ్బందికి సమాచారం అందించారు.
దీంతో వారు స్పాపై దాడి చేసి మొత్తం 9 మందిని అరెస్ట్ చేశారు. వీరిలో ఆరుగురు యువతులు, ముగ్గురు విటులు ఉన్నారు. అయితే స్పా నిర్వాహకులు తప్పించుకున్నారు. దీనిపై కేసు నమోదు చేసిన పోలీసులు ప్రధాన నిందితుల కోసం గాలిస్తున్నారు. గత జులైలోనూ ఇదే షాపింగ్ మాల్లో సెక్స్ రాకెట్ను పోలీసులు బట్టబయలు చేశారు. అప్పుడు గోల్డెన్ స్పా సెంటర్లో గుట్టుచప్పుడు కాకుండా సాగుతోన్న వ్యభిచారాన్ని రట్టుచేసిన పోలీసులు, నిర్వాహకుడితోపాటు ముగ్గురు అమ్మాయిలు, ఇద్దరు విటులను అదుపులోకి తీసుకున్నారు.
దీంతో వారు స్పాపై దాడి చేసి మొత్తం 9 మందిని అరెస్ట్ చేశారు. వీరిలో ఆరుగురు యువతులు, ముగ్గురు విటులు ఉన్నారు. అయితే స్పా నిర్వాహకులు తప్పించుకున్నారు. దీనిపై కేసు నమోదు చేసిన పోలీసులు ప్రధాన నిందితుల కోసం గాలిస్తున్నారు. గత జులైలోనూ ఇదే షాపింగ్ మాల్లో సెక్స్ రాకెట్ను పోలీసులు బట్టబయలు చేశారు. అప్పుడు గోల్డెన్ స్పా సెంటర్లో గుట్టుచప్పుడు కాకుండా సాగుతోన్న వ్యభిచారాన్ని రట్టుచేసిన పోలీసులు, నిర్వాహకుడితోపాటు ముగ్గురు అమ్మాయిలు, ఇద్దరు విటులను అదుపులోకి తీసుకున్నారు.