'స్మైలీజ్' డీజిల్ లోన్ స్కీమ్.. ఎక్కడో తెలుసా?

తమిళనాడులోని తిరుప్పూర్‌లో శ్రీరామ్ ఫైనాన్స్ సంస్థ 'స్మైలీజ్'పేరుతో డీజిల్‌ లోన్ పథకానికి శ్రీకారం చుట్టింది. ఇందులో భాగంగా నిర్ణీత పెట్రోలు బంకుల్లో రుణ ప్రాదిపదికన డీజిల్‌ను అందించనుంది. రూ.100 డీజిల్ కొనుగోలుపై రూ.1.50 వడ్డీ కింద వసూలు చేస్తుంది. రోజువారీగా వడ్డీని లెక్కిస్తారు. అంతేకాకుండా ప్రతి లీటరు డీజిల్ కొనుగోలుపై 85 పైసల అదనపు డీజిల్‌ను కూడా అందించనున్నారు.

తమిళనాడులోని అన్ని హెచ్‌పీ పెట్రోలు బంకుల్లో ఈ స్కీమ్ వర్తించనుంది. ఈ పథకం ద్వారా ముఖ్యంగా లారీలు, ట్రక్కులు, దూరప్రయాణాలు చేసే బస్సులకు ఎక్కువ ప్రయోజనం చేకూరనుంది.