ఈ కారు చెట్టెలా ఎక్కిందబ్బా?!

రోడ్డు మీద వెళ్లాల్సిన కారు.. ఇదిగో ఇలా చెట్టెక్కి కూర్చొంది. కారు మందు కొట్టి అలా చెట్టు ఎక్కేసి ఉంటుందేమో అని కొంటెగా ఆలోచిస్తున్నారా? ఇందులో పాపం ఆ కారు తప్పమీ లేదు. దాన్ని నడిపిన యజమానిదే ఆ తప్పంతా. చైనాలోని సుహువా నగరంలో ఈ ఘటన చోటు చేసుకుంది. ఐదుగురు వ్యక్తులు ఎక్స్‌ప్రెస్ వేపై ఎస్‌యూవీలో ప్రయాణిస్తున్నారు.

ఎక్స్‌ప్రెస్ వే కదా, స్పీడుగా వెళ్లాలని అనుకున్నాడో ఏమో.. ఎస్కలేటర్‌ను అదే పనిగా తొక్కేశాడు. ఇంకేముంది, మధ్యదారిలో ఎస్‌యూవీ బ్యాలెన్స్ తప్పి గాల్లోకి లేచింది. నేరుగా వెళ్లి చెట్ల మధ్యలో ఇరుక్కుంది. ఆశ్చర్యపరిచే విషయం ఏమిటంటే.. ఈ కారులో ప్రయాణిస్తున్న ఐదుగురు స్వల్ప గాయాలతో ప్రాణగండం నుంచి తప్పించుకున్నారు.