​తల్లితో సహజీవనం, కూతురికి కడుపు చేశాడు!

ఒక మహిళతో పదేళ్ల నుంచి సహజీవనం చేస్తూ ఉన్నాడు. ఆమెతో ఇద్దరు పిల్లల్ని కూడా కన్నాడు. అయితే కామంతో కళ్లు మూసుకుపోయిన ఆ వ్యక్తి తనతో సహజీవనంలో ఉన్న మహిళ కూతురికి కడుపు చేశాడు. ఆ బాలికను వశపరుచుకుని గర్భవతిని చేశాడు. అనారోగ్యంగా ఉందని బాలికను ఆసుపత్రికి తీసుకెళ్లగా అసలు విషయం బయటకు వచ్చింది. హైదరాబాద్ పరిధిలోని తిరుమలగిరి పోలిస్ స్టేషన్ లో నమోదైన ఈ కేసు వివరాలు ఇలా ఉన్నాయి.. బిహార్ కు చెందిన టి.రామావతార్ అనే వ్యక్తి హైదరాబాద్ లోనే ఉంటున్నాడు.

ఈ క్రమంలో పదేళ్ల నుంచి విజయ అనే ఒక మహిళతో సహజీవనం చేస్తున్నాడు అతడు. విజయకు అంతకు ముందే వివాహం జరిగింది. పదహారేళ్ల కిందటే భర్త మరణించాడు. మొదటి భర్తతో ఆమెకు ఒక కూతురు ఉంది. రామావతార్-విజయలకు ఇద్దరు పిల్లలు. వీరంతా కలిసే ఉంటున్నారు. ఈ నేపథ్యంలో విజయ కూతురిపై రామావతార్ కన్నేశాడు. ఆమెను లోబరుచుకున్నాడు.

ఇటీవల కూతురికి ఆరోగ్య సమస్య రావడంతో వైద్యుడి వద్దకు తీసుకెళ్లింది విజయ. పరీక్షించిన వైద్యుడు ఆమె ఆరో నెల గర్భవతిగా తేల్చాడు. దీంతో నివ్వెరపోయిన ఆమె కూతురిని నిలదీయగా.. రామావతార్ నిర్వాకాన్ని వెల్లడించింది. అతడు మద్యం సేవించి తనపై అత్యాచారానికి పాల్పడ్డాడని చెప్పింది. దీంతో రామావతార్ పై పోలీసులకు ఫిర్యాదు చేయగా, పోలీసులు అదుపులోకి తీసుకుని విచారించారు. బాలికపై తను అత్యచారం చేసినట్టుగా అతడు ఒప్పుకున్నాడని, రిమాండ్ కు తరలించామని పోలీసులు తెలిపారు.