ఏజ్ గ్యాప్ ప్రేమాయణానికి ముగింపు ఇది

అతనొక ఎంబీఎ స్టూడెంట్. తన కన్నా వయసులో పెద్దదయిన వివాహితతో సంబంధం పెట్టుకున్నాడు. ఆమె అతనితో పీకల్లోతు ప్రేమలో మునిగిపోయింది. తన భర్తను వదిలేసి అతనితో వివాహ బంధాన్ని ఏర్పరచుకోవాలని తహతహలాడింది. చివరకు ఏం జరిగింది...

అతనొక ఎంబీఎ స్టూడెంట్. తన కన్నా వయసులో పెద్దదయిన వివాహితతో సంబంధం పెట్టుకున్నాడు. ఆమె అతనితో పీకల్లోతు ప్రేమలో మునిగిపోయింది. తన భర్తను వదిలేసి అతనితో వివాహ బంధాన్ని ఏర్పరచుకోవాలని తహతహలాడింది. చివరకు ఏం జరిగిందో చూడండి.

Samayam Telugu

ఢిల్లీలోని బిందాపూర్ ప్రాంతానికి చెందిన దీపక్ కుమార్ అనే ఎంబీఎ విద్యార్థికి 37 సంవత్సరాల వయసున్న వివాహితతో రెండేళ్ల క్రితం పరిచయమైంది. ఆ పరిచయం ఆ తరువాత కొద్ది రోజులకే వివాహేతర సంబంధానికి దారితీసింది. ఆమె తన భర్తకు తెలియకుండా ఎంబీఎ విద్యార్థితో సంబంధాన్ని కొనసాగిస్తూ వచ్చింది. చివరకు అది ఆమె భర్తతో పాటు అత్తమామలు, తల్లితండ్రులకు కూడా తెలిసింది. ఇక లాభం లేదనుకున్న ఆమె తన భర్తను వదిలేసి దీపక్ కుమార్ ను వివాహమాడి కొత్త జీవితాన్ని ప్రారంభిద్దామని నిర్ణయించుకుంది. దానికి ఆమె తల్లితండ్రులు, దీపక్ కుమార్ తల్లితండ్రులు ఒప్పుకోలేదు.

దాంతో చేసేది లేక ఇద్దరూ కలిసి ఆత్మహత్య చేసుకుని చనిపోదామని నిర్ణయించుకున్నారు. ఒక కారులో ఆత్మహత్య చేసుకోవడానికి బయలుదేరారు. దీపక్ కుమార్ పై పిచ్చి నమ్మకంతో ఆ మహిళ ఆ కారులోనే ప్రాణాంతక ట్యాబ్లెట్లు మింగేసి అతనికి కూడా అందించింది. కానీ, అతగాడు వాటిని మింగకుండా తాత్సారం చేశాడు. ఈలోగా ఆమె బాధతో విలవిలలాడిపోవడం ప్రారంభించింది. అది చూసిన దీపక్ ఆమె మెడను తన వద్ద గల సెల్ ఫోన్ చార్జింగ్ వైరుతో చుట్టి నులిమాడు. ఆమె చనిపోయిన తరువాత నేరుగా స్థానిక పోలీస్ స్టేషనుకు కారును తీసుకెళ్లి ఆమె ఆత్మహత్య చేసుకుందని ఫిర్యాదు చేశాడు. పోలీసులు హుటాహుటిన ఆమెను దగ్గరలోని ఆసుపత్రికి తరలించగా ఆమె అప్పటికే చనిపోయిందని వైద్యులు తెలిపారు. పోలీసులు అతన్ని తమదైన శైలిలో లోతుగా ప్రశ్నించగా అసలు విషయం బయటపెట్టాడు. తామిద్దరి వివాహానికి రెండిళ్లలోని వారు ఒప్పుకోకపోవడంతో ఆత్మహత్య చేసుకోవాలని నిర్ణయించుకున్నామని, కారులో ఆమె ప్రాణాంతక ట్యాబ్లెట్లు మింగిందని చెప్పాడు. ఆ తరువాత నొప్పితో ఆమె పడుతున్న బాధను చూసి భయపడి తాను వాటిని మింగేందుకు భయపడ్డానన్నాడు. బాధతో ఆమె విలవిలలాడిపోయే కన్నా త్వరగా చనిపోవడమే మేలనుకుని, సెల్ ఫోన్ చార్జింగ్ కేబుల్ తో మెడకు బిగించి చంపానని తెలిపాడు. పోలీసులు అతనిపై హత్యానేరం నమోదు చేసి అరెస్ట్ చేశారు.