పాక్ ప్లేయర్‌కు టీమిండియా గిఫ్ట్‌!

పాకిస్థాన్ క్రికెట‌ర్‌ షాహిద్ ఆఫ్రిదికి టీమిండియా ఆటగాళ్లు ఓ అరుదైన గిఫ్ట్ ఇచ్చారు. కెప్టెన్ విరాట్ కోహ్లి జెర్సీపై క్రికెట్ ప్లేయ‌ర్లందరూ సంత‌కాలు చేసి.. దాన్ని అఫ్రిదికి పంపించారు. ఆఫ్రిది ఇటీవలే.. అంత‌ర్జాతీయ క్రికెట్‌కు రిటైర్మెంట్ ప్ర‌క‌టించిన విషయం తెలిసిందే. ఈ నేపథ్యంలో టీమిండియా ఆటగాళ్లు ఈవిధంగా అతడిపై ఉన్న అభిమానాన్ని చాటుకున్నారు. ఓ పాకిస్థానీ జ‌ర్న‌లిస్ట్ ఈ విషయాన్ని ట్విట్ట‌ర్‌ ద్వారా పేర్కొంటూ.. ఫోటోను షేర్ చేయడంతో ఈ గిఫ్ట్ విష‌యం వెలుగులోకి వచ్చింది.
Virat Kohli's shirt, signed by Indian team, for Shahid Afridi, with a message "always a pleasure playing against you." pic.twitter.com/KexlCjTNeZ — Faizan Lakhani (@faizanlakhani) April 15, 2017
ఆ షర్ట్‌పై టీమిండియా ఆటగాళ్లు ఓ సందేశం కూడా రాశారు. ‘షాహిద్ భాయ్‌.. బెస్ట్ విషెస్‌.. నీతో ఆడ‌టం మాకు ఎప్పుడూ సంతోష‌మే’ అని వాళ్లు రాశారు. దానిపై విరాట్ కోహ్లి, యువ‌రాజ్‌ సింగ్, ఆశిష్ నెహ్రా, బుమ్రా, రైనా, రవీంద్ర జ‌డేజా, భువ‌నేశ్వ‌ర్‌, ర‌హానే, ధావ‌న్‌, అశ్విన్‌, ప‌వ‌న్ నేగి, షమీ, పాండ్యాతో పాటు ర‌విశాస్త్రి తదితరులు ఆటోగ్రాఫ్‌ చేశారు.