కేరళ వరదలు.. మీరు ఇప్పటి వరకూ చూడని వీడియో ఇది!

వరద ముప్పు నుంచి కేరళ ఇప్పుడిప్పుడే కాస్త కోలుకుంటోంది. సహాయక చర్యలు ముమ్మరంగా కొనసాగతున్నాయి. పది రోజులకుపైగా కొనసాగిన భారీ వర్షాలు.. కేరళకు భారీ ఆస్తి, ప్రాణ నష్టాన్ని మిగిల్చాయి. మరో నాలుగు రోజులపాటు భారీ వర్షాలు రావనే వార్త మళయాళీలకు ఊరటనిచ్చింది. గత వందేళ్లలో ఎన్నడూ లేని రీతిలో తీవ్ర విధ్వంసానికి గురైన కేరళను ఆదుకోవడానికి కేంద్ర, రాష్ట్రాలతోపాటు సామాన్యులు సైతం ముందుకొస్తున్నారు. భరతావని మొత్తం కేరళకు అండగా నిలుస్తోంది.

వరదల సమయంలో బాధితులను కాపాడటానికి సైన్యం, ఎన్డీఆర్ఎఫ్ బలగాలు అహర్నిశలు శ్రమిస్తున్నాయి. వరదలో చిక్కుకుపోయిన వారిని కాపాడుతున్న వీడియోలు చూస్తుంటే.. సైన్యం సాహసానికి సెల్యూట్ చేయాలనిపిస్తుంది. ఇదంతా ఒక ఎత్తు మాత్రమే.
వరదల కారణంగా తాగడానికి నీళ్లు, తినడానికి తిండి కరువైన వేళ.. మందుబాబుల కష్టాలు నవ్వు తెప్పిస్తున్నాయి. ఆల్కహాల్ కోసం మందు బాబులు చేస్తున్న సాహసాలు ఔరా అనిపిస్తున్నాయి. అందుకు మచ్చుతునక లాంటి ఈ వీడియోను చివరి దాకా చూస్తే ముక్కున వేలేసుకుంటారు.