‘హార్వర్డ్’కి గుడ్ బై చెప్పి.. కోటీశ్వరుడయ్యాడు

మనపై మనకు నమ్మకం ఉంటే ఈ ప్రపంచంలో ఏదీ అసాధ్యం కాదని నిరూపించాడో యువకుడు. హ్వార్డర్ యూనివర్సిటీ డ్రాఫౌట్ అయిన 27 ఏళ్ల జాన్ కొలిజన్.. అతి పిన్న వయస్కుడైన బిలియనీర్‌గా ఫోర్బ్స్ జాబితాలో చోటు సంపాదించాడు. ఐర్లాండ్‌కు చెందిన కొలిజన్ తన ఆలోచనను అమలు పర్చడం కోసం చదువుకు గుడ్ బై చెప్పాడు. కంపెనీ ఏర్పాటు చేసి కోటీశ్వరుడయ్యాడు.

ఓసారి జాన్ తన సోదరుడైన ప్యాట్రిక్‌తో కలిసి దక్షిణాఫ్రికా వెళ్లాడు. అప్పుడే ఆన్‌లైన్ ద్వారా ఎవరైనా తేలిగ్గా నగదు చెల్లింపులు జరిపే వీలుంటే బాగుండనిపించింది. అనుకున్నదే తడవుగా.. స్ట్రయిప్ అనే సంస్థను స్థాపించారు. ఆ కంపెనీ ద్వారా ఏడాదిలోనే 25 దేశాల్లో బిలియన్ల డాలర్ల విలువైన లావాదేవీలు ద్వారా జరిగాయి. దీంతో 550 మంది ఉద్యోగులు పని చేస్తున్న ఈ కంపెనీ విలువ 9.2 బిలియన్ డాలర్లకు చేరింది.

కొలిజన్ కంపెనీని ఏర్పాటు చేయడం ఇదే తొలిసారి కాదు. చాలా ఏళ్ల కిందటే సోదరుడితో కలిసి ఆక్టోమాటిక్ అనే స్టార్టప్‌ను ప్రారంభించాడు. ఇ-రిటైల్ వెబ్‌సైట్ల లావాదేవీల కోసం దీన్ని ఏర్పాటు చేశారు. 2008లో ఈ కంపెనీని 5 మిలియన్ డాలర్లకు అమేశారు. తద్వారా వారు టీనేజీలోనే మిలియన్లుగా అవతరించారు.