వీడు.. అమ్మాయి వీపు చూస్తే వదలడు!

అతడి పేరు వినయ్ నయర్. పేరులో ఉన్న ‘వినయం’ మనిషిలో ఏ మాత్రం కనిపించదు. అమ్మాయిల వీపు కనిపిస్తే చాలు.. టచ్ చేయకుండా ఉండలేడు. అంతేకాదు, అలా టచ్ చేస్తూ వీడియోలు తీసి ఆనందింస్తాడు. వాటిని ఇన్‌స్టాగ్రమ్, ఫేస్‌బుక్‌లలో కూడా పోస్ట్ చేస్తూ.. తన పైశాచికాన్ని ‘షేర్’ చేస్తున్నాడు. మణిపాల్‌కు చెందిన మెడికల్ స్టూడెంట్ అంగద్ గుమ్మరాజు ఆ వీడియోలు చూసి విస్తుపోయింది. వాటి స్క్రీన్ షాట్ తీసి.. సోషల్ మీడియా ద్వారా అతడి చేష్టలను బయటపెట్టింది.

వినయ్ ఇలాంటివి 144 పోస్టులు సోషల్ మీడియాలో పెట్టాడు. ఇతనికి 1,646 ఫాలోవర్లు ఉన్నారు. ఇన్‌స్టాగ్రమ్, ఫేస్‌బుక్‌లకు పలు ఫిర్యాదులు అందటంతో ప్రస్తుతం అతని అకౌంట్‌ను బ్లాక్ చేశారు. గత ఆదివారం నుంచి ట్రెండింగులో ఉన్న ‘MeToo’ స్పందనల్లో భాగంగా ఇతగాడి బాగోతం బయటకు వచ్చింది. కేవలం ఇతడే కాదు.. ఈ ‘మీ టూ’ మహిళా ట్విట్టరోద్యమం.. మరెంతో మంది ‘మృగాళ్ల’ వెన్నులో వణుకు పుట్టిస్తోంది.