కేరళ ఛాయ్‌వాలా తెలివితేటలు.. వరదలో కాలు కదపకుండానే కస్టమర్లకు ఛాయ్

వరదల కారణంగా విలవిల్లాడిన కేరళ మెల్లగా కోలుకుంటోంది. వరద పూర్తిగా తగ్గకపోయినా.. సహాయక చర్యలు ముమ్మరంగా కొనసాగుతున్నాయి. వరద తీవ్రతను కళ్లకు కట్టే బోలెడన్ని వీడియోలు బయటకొచ్చాయి. సైనికులు తమ ప్రాణాలను ఫణంగా పెట్టి మరీ బాధితులను కాపాడిన దృశ్యాలు కట్టిపడేశాయి. కానీ ఓ ఛాయ్‌వాలా వరద నీటిలో ఛాయ్ పెట్టి విక్రయిస్తోన్న వీడియో నెటిజన్లను ఆకర్షిస్తోంది.

మోకాల్లోతు వరద నీళ్లలో టీ పెట్టడంతోపాటు.. ఆ నీటినే తనకు అనుకూలంగా మార్చేసుకొని కాలు కదపకుండానే కస్టమర్లకు టీ అందిస్తోన్న ఛాయ్‌వాలా తన తెలివితేటలతో ఔరా అనిపించాడు. తెలివితేటలు ఉంటే చాలు ప్రతికూల పరిస్థితులను సైతం అనుకూలంగా మలుచుకోవచ్చని నిరూపించాడు.