ఆసియా టాప్-10లో మూడు మన బీచ్‌లే

ఆసియా ఖండంలో పర్యాటకుల మనసు దోచుకున్న టాప్-10 బీచ్2ల్లో మూడు మన దేశం నుండే ఉన్నాయి. వాటిలో రెండు గోవాకు చెందినవి కాగా ఇంకొకటి అండమాన్ దీవుల్లో ఉంది. ప్రముఖ ట్రావెల్ వెబ్‌సైట్ ట్రిప్‌అడ్వైజర్.కామ్ ఈ సర్వేను నిర్వహించింది. ఆసియాలో మీకు నచ్చిన బీచ్‌లు ఏవని పర్యాటకులను ప్రశ్నించి ఒక జాబితాను రూపొందించింది. వాటిలో గోవాలోని అగోండా, పాలోలేం, అండమాన్ దీవుల్లోని రాధానగర్ బీచ్ స్థానం సంపాదించాయి. ప్రపంచంలో అత్యధిక తీర ప్రాంతం గల భారతదేశంలో బీచ్‌ల సంఖ్య ఎక్కువే. వీటిల్లో చాలా వాటి గురించి పర్యాటకులకు ఇప్పుడిప్పుడే తెలుస్తోంది. గోవా అనగానే ప్రపంచంలో ఎవరికైనా బీచ్‌లే గుర్తుకువస్తాయి. అందుకే అక్కడికి పెద్ద సంఖ్యలో పర్యాటకులు వస్తుంటారు. ప్రపంచంలోని వివిధ ప్రాంతాల్లో గల బీచ్‌లలోని సౌకర్యాలు, ఇతరత్రా అంశాల ప్రాతిపదికన పర్యాటకులు ఉత్తమమైన బీచ్‌లు, మనసు దోచుకున్న బీచ్‌లకు ఓటేసారు.