ట్రాన్స్‌జెండర్ల యోగాసనాలు

అంతర్జాతీయ యోగాదినోత్సవం సందర్భంగా ముంబైలో జరిగిన కార్యక్రమానికి ట్రాన్స్‌జెండర్ల కమ్యూనిటీ ప్రధాన ఆకర్షణగా నిలిచింది. సమాజానికి దూరంగా తమదైన శైలిలో జీవించే తాము తాము కూడా ఈ తరహా సామూహిక సామాజిక కార్యక్రమాల్లో పాల్గొనడం ద్వారా అందరితో సమానమేనని నిరూపించుకుంటున్నామని పలువురు ట్రాన్స్‌జెండర్లు చెప్పారు. ప్రతీ ఏడాది జూన్ 21వ తేదీని అంతర్జాతీయ యోగా దినోత్సవంగా నిర్వహించాలంటూ ప్రధాని మోడీ చేసిన ప్రతిపాదనకు గత ఏడాది ఐక్యరాజ్యసమితి ఆమోదం తెలిపింది. ఐరాస పిలుపు మేరకు ప్రపంచం అంతా మంగళవారం నాడు యోగాదినోత్సవాన్ని ఆచరించింది. ఒక స్వచ్చంద సంస్థ చూపిన చొరవ కారణంగా హిజ్రాలు, ట్రాన్స్‌జెండర్లు ఈ యోగాకార్యక్రమంలో పాల్గొన్నారు. ఇకపై తాము ప్రతీరోజు యోగాసనాలు ఆచరిస్తామని ఈ సందర్భంగా వారు చెప్పారు.