ఆ దర్గాను సందర్శించనున్న భూమాత సైన్యం

దర్గాలోకి మహిళలను అనుమతించాలని సుప్రీంకోర్టు తీర్పునిచ్చిన తర్వాత ‘భూమాత బ్రిగేడ్’ నేత తృప్తి దేశాయ్ సహా కార్యకర్తలతో ఇవాళ (శనివారం) దక్షిణ ముంబైలో ఉన్న హజీ అలీ దర్గాను సందర్శించనున్నారు.

వందలాది మంది మహిళా సామాజిక కార్యకర్తలు నవంబర్ 29న ఈ దర్గాను సందర్శించారు.

దర్గాలోకి మహిళలను అనుమతించాలని తృప్తి దేశాయ్ నాయకత్వంలో భూమాత బ్రిగేడ్ తరపున 2011 నుంచి న్యాయపోరాటం చేస్తున్నారు. ముస్లిం మహిళలు దర్గాలోకి రావడం పాపమని హజీ అలీ దర్గా ట్రస్ట్ నిషేదం విధించింది. దీంతో భూమాత బ్రిగేడ్....బాంబే హైకోర్టు నుంచి సుప్రీంకోర్టు దాకా న్యాయ పోరాటం చేసింది.

యేడాది అక్టోబర్ 24న బాంబై హైకోర్టు ఇచ్చిన తీర్పును సమర్థించిన సుప్రీంకోర్టు..మహిళలను దర్గాల్లోకి అనుమతించాల్సిందేనని స్పష్టం చేసింది.

‘మా ఉద్యమానికి ఇది చారిత్రాత్మక విజయం. మా డిమాండ్ తప్పు కాదు. మేం ఏ మతానికి వ్యతిరేకం కాదు. హజీ అలీ దర్గాను ఇవాళ సందర్శిస్తున్నాం. ఏ సమస్యలు ఉత్పన్నం కావని నా నమ్మకం’ అని తృప్తీ దేశాయ్ అన్నారు.

గతంలో ఆమె ఇదే దర్గాను సందర్శించడానికి కార్యకర్తలతో కలిసి వెళ్లినప్పుడు దాడి జరిగింది. ఈనేపథ్యంలో భూమాత బ్రిగేడ్ సందర్శన సందర్భంగా దర్గా ప్రాంతంలో పోలీసులు భారీగా మోహరించారు.