అతడు weds అతడు: ఒక్కటైన ‘గే’ జంట!

ప్రేమకు ఎల్లలు లేవు.. కులమత బేధాలు లేవు.. చివరికి లింగ వివక్ష కూడా లేదని ఆ ‘గే’ జంట నిరూపించారు. అమెరికాలో స్థిరపబడ్డ ఇండియన్ టెక్కీ.. వియాత్నంకు చెందిన వ్యక్తిని ప్రేమించాడు. ఈ విషయం వారి పెద్దలకు చెబితే తొలుత ఒప్పుకోలేదు. చివరికి ఎలాగోలా ఒప్పించి.. మహారాష్ట్రలోని యవత్మాల్‌లో పెళ్లి చేసుకున్నాడు.

యవత్మాల్‌కు చెందిన హ్రిషీ మోహన్ కుమార్ సత్వానే (40).. వియత్నానికి చెందిన విన్హ్‌ను చాలా ఏళ్లుగా ప్రేమిస్తున్నాడు. ఐఐటీ ముంబయిలో బీటెక్ పూర్తిచేసిన హ్రిషీ ప్రస్తుతం కాలిఫోర్నియాలో పనిచేస్తున్నాడు. గ్రీన్ కార్డ్ అర్హతతో హ్రిషీ అమెరికాలో స్థిరపడ్డాడు. ఇండియాలో ‘గే’ పెళ్లిల్లపై భిన్నాభిప్రాయాలు ఉన్న తరుణంలో వీరిద్దరూ ఇండియాలోనే, బందుమిత్రుల సమక్షంలో వివాహం చేసుకోవడం విశేషం.