బట్టతల ఉందని ఓ బాలికను తమ పాఠశాలలో చేర్చుకోడానికి యాజమాన్యం నిరాకరించిన ఘటన దేశ రాజధానిలో చోటుచేసుకుంది. ఢిల్లీకి చెందిన 13 ఏళ్ల బాలిక అన్షిత గుప్తా అలోపెషియా వ్యాధి కారణంగా మూడేళ్ల వయసులోనే బట్టతల వచ్చింది. ప్రస్తుతం అన్షిత ఈ వ్యాధికి చికిత్స తీసుకుంటోంది. తొమ్మిదో తరగతిలో చేరడానికి తూర్పు ఢిల్లీలోని వనస్థలి పబ్లిక్ పాఠశాల అడ్మిషన్ కోసం ప్రవేశ పరీక్ష రాసి ఉత్తీర్ణత సాధించింది.
అయితే అన్షిత బట్టతలను చూసి తోటి విద్యార్థులు గేళి చేస్తారనే కారణంతో ఆమెను చేర్చుకునేందుకు యాజమాన్యం నిరాకరించింది. దీంతో నిరాశ చెందిన అన్షిత తల్లిదండ్రులు ఈ విషయాన్ని మీడియా దృష్టికి తీసుకొచ్చారు. చదువుకోవడం ముఖ్యం కానీ విద్యార్థుల శరీరాకృతి ఎలా ఉంటే ఏంటని అన్షిత తల్లి శైలేష్ గుప్తా ఆగ్రహం వ్యక్తం చేశారు. ప్రవేశ పరీక్షలో ఉత్తీర్ణత సాధించినా మిగతా వివరాలు పూర్తిచేయాలంటూ యాజమాన్యం కబురుచేసి తీరా వెళ్లాక తమ కుమార్తెకు జుట్టు పెరిగాక పాఠశాలలో చేర్పించమంటూ సలహా ఇచ్చారని ఆమె తెలియజేశారు.
ఎనిమిదో తరగతిలో 77 శాతం మార్కులతో ఉత్తీర్ణత సాధించిన తమ కుమార్తెను పేరున్న పాఠశాలలో చేర్పించాలని తీసుకొస్తే చివరు ఇలా జరిగిందని తల్లిదండ్రులు వాపోయారు. గతంలో అన్షిత చదివిన పాఠశాలలో ఎలాంటి అవమానాలు ఎదురుకాలేదని వారు వెల్లడించారు. ఈ విషయం గురించి పాఠశాల ప్రిన్సిపల్ అనురాధా జైన్ మాట్లాడుతూ తమకి ఆడపిల్లలంటే చాలా ఇష్టం... చదువుకునే పిల్లలు ఎలా ఉన్నా వారిని చేర్చుకుంటామని అన్నారు.
అయితే అన్షిత బట్టతలను చూసి తోటి విద్యార్థులు గేళి చేస్తారనే కారణంతో ఆమెను చేర్చుకునేందుకు యాజమాన్యం నిరాకరించింది. దీంతో నిరాశ చెందిన అన్షిత తల్లిదండ్రులు ఈ విషయాన్ని మీడియా దృష్టికి తీసుకొచ్చారు. చదువుకోవడం ముఖ్యం కానీ విద్యార్థుల శరీరాకృతి ఎలా ఉంటే ఏంటని అన్షిత తల్లి శైలేష్ గుప్తా ఆగ్రహం వ్యక్తం చేశారు. ప్రవేశ పరీక్షలో ఉత్తీర్ణత సాధించినా మిగతా వివరాలు పూర్తిచేయాలంటూ యాజమాన్యం కబురుచేసి తీరా వెళ్లాక తమ కుమార్తెకు జుట్టు పెరిగాక పాఠశాలలో చేర్పించమంటూ సలహా ఇచ్చారని ఆమె తెలియజేశారు.
ఎనిమిదో తరగతిలో 77 శాతం మార్కులతో ఉత్తీర్ణత సాధించిన తమ కుమార్తెను పేరున్న పాఠశాలలో చేర్పించాలని తీసుకొస్తే చివరు ఇలా జరిగిందని తల్లిదండ్రులు వాపోయారు. గతంలో అన్షిత చదివిన పాఠశాలలో ఎలాంటి అవమానాలు ఎదురుకాలేదని వారు వెల్లడించారు. ఈ విషయం గురించి పాఠశాల ప్రిన్సిపల్ అనురాధా జైన్ మాట్లాడుతూ తమకి ఆడపిల్లలంటే చాలా ఇష్టం... చదువుకునే పిల్లలు ఎలా ఉన్నా వారిని చేర్చుకుంటామని అన్నారు.