వరదలో చిక్కుకున్న ఇంట్లో పడవ పోటీలు.. వీడియో వైరల్

రుతుపవనాల ప్రభావంతో దేశవ్యాప్తంగా విస్తారంగా వర్షాలు కురుస్తున్నాయి. ముఖ్యంగా కేరళలో గత కొద్ది వారాలుగా భారీ వర్షాల కురుస్తున్నాయి. దీంతో కోస్తా ప్రాంతాలు వరద ముంపునకు గురవుతున్నాయి. ఇళ్లలోకి నీరు చేరడంతో జనజీవనం నరక ప్రాయంగా మారింది. పునరావాస కేంద్రాల్లో జనం తలదాచుకుంటున్నారు. నిరాశా నిస్పృహల మధ్య, అభద్రతాభావంతో, భయంతో జనం బిక్కు బిక్కుమని కాలం గడుపుతున్నారు.

ఆహారం కూడా వండుకోవడానికి వీల్లేకుండా వరదలు వేధిస్తున్నాయి. ఇలాంటి ఇబ్బందికర పరిస్థితుల్లోనూ కొందరు మాత్రం హాస్యచతురతను వీడలేదు. ఇంట్లోకి చేరిన వరద నీటిలో కుర్చీలలో కూర్చొని సంప్రదాయ పడవ పోటీల సందర్భంగా పాటను ఆలపిస్తూ.. కుటుంబ సభ్యులు సరదాగా గడిపారు. కాదేదీ హాస్యానికి అనర్హం అన్నట్టుగా ఉన్న వీరి వైఖరిని కొందరు మెచ్చుకోగా.. మరి కొందరు మాత్రం తిట్టిపోస్తున్నారు. వేలాది మంది వరద ముప్పులో చిక్కుకుపోతే.. ఈ వేషాలేంటని నిలదీస్తున్నారు.
వరదలోనూ ధైర్యంగా ఉండటంతోపాటు సరదాగా గడుపుతున్న ఈ ఫ్యామిలీ నిజంగా గ్రేట్ కదూ. అందుకే ఈ వీడియోను ఫేస్‌బుక్‌లో పోస్ట్ చేసిన మూడు రోజుల్లోనే లక్ష మందికి పైగా వీక్షించారు. 2 వేల మంది షేర్ చేశాయి.

Read This Story in Malayalam