వైరల్: పెళ్లి‌లో వధువరుల ‘దండ’యాత్ర!

పెళ్లిలోనే వధువరులు తమ ఆధిపత్యం చూపించాలనుకుంటే ఏం జరుగుతుందో ఈ వీడియోనే నిదర్శనం. ప్రస్తుతం ఇంటర్నెట్‌లో చక్కర్లు కొడుతున్న ఈ వైరల్ వీడియోను చూస్తే తప్పకుండా నవ్వు ఆపుకోలేరు. దండలు మార్చుకోడానికి పోటీ పడ్డ వధువరులను చూసి.. పెళ్లికి వచ్చినవారు కాసేపు గందరగోళానికి గురయ్యారు.

దండలు మార్చుకోవడంలో తామే ముందుండాలని అలా చేశారా? లేదా, ఎవరు ముందు దండ వేయాలో తెలియక తికమక పడ్డారా అనేది ఆ ఇద్దరికే తెలియాలి. అయితే, ఈ దండల మార్పిడి చూసిన పెద్దలు... వీళ్లు పెళ్లిలోనే ఇలా ఉన్నారంటే.. మున్ముందు కలిసి ఎలా సాగుతారో అంటూ చెవులు కొరుకున్నారు.