మెరుపు వరదల్లో పశువులు

ఉత్తరాదిలో ఎడతెగక కురుస్తున్న వర్షాల కారణంగా సంభవిస్తున్న వరదల్లో పదుల సంఖ్యలో పశువులు చిక్కుకుని కొట్టుకుపోయాయి. మధ్యప్రదేశ్ రాష్ట్రంలోని మంద్సార్ నగరంలో కొద్ది రోజులుగా ఎడతెగని వర్షాలు కురుస్తున్నాయి. వాగులు వంకలు పొంగి ప్రవహించడంతో ఒక్కసారిగా ఆ నగరంపైకి మెరుపు వరద సంభవించింది. అకస్మాత్తుగా పెద్ద ఎత్తున నీరు ఉప్పెనలా ముంచెత్తుకుపడటంతో స్థానికులు నివ్వెరపోయారు. పడుతూ లేస్తూ ఎలాగో తప్పించుకున్నారు. కానీ, నోరులేని మూగ జీవాలు మాత్రం వరదలో చిక్కుకున్నాయి. పదుల సంఖ్యలో పశువులు మెరుపు వరదల్లో కొట్టుకుపోయాయి.