వీడియో: బెడ్‌రూమ్ ఏసీలో పా.. పా.. పాము!

పాములంటే.. అక్కడెక్కడో అటవీ ప్రాంతాల్లోనే ఉంటాయి అనుకోకండి. అవి ఇప్పుడు ఎంచక్కా మన ఇళ్లలోకే వచ్చేస్తున్నాయి. బెడ్‌రూముల్లో తిష్ట వేస్తున్నాయి. హాయిగా ఏసీల్లోనే పడుకుంటున్నాయి. అవును.. ఒడిశా రాజధాని భువనేశ్వర్‌ శివార్లలో ఇలాంటి ఘటనే చోటు చేసుకుంది. ఓ వ్యక్తి తన బెడ్‌రూమ్‌లోని ఏసీలో సర్పాన్ని చూసి షాక్ తిన్నాడు. వెంటనే అతడు స్నేక్ రెస్క్యూ టీమ్‌కు సమాచారం ఇచ్చాడు.

రెస్క్యూ టీమ్‌ సభ్యులు వచ్చి ఏసీలో ఉన్న ఆ పామును జాగ్రత్తగా బయటికి తీసుకొచ్చారు. ఇందుకోసం వారు ఓ మెకానిక్ సహకారం కూడా తీసుకున్నారు. బయటికి తీసుకొచ్చిన ఆ పామును ఆ తర్వాత సమీపంలోని అటవీ ప్రాంతంలో వదిలేశారు.
ఏసీలో దూరిన ఆ సర్పం ర్యాట్ స్నేక్ అని రెస్క్యూ టీం సభ్యులు తెలిపారు. అది విషపూరితం కాని సర్పమని వివరించారు.

పామును బయటకి తీసుకొచ్చాక గానీ, ఆ కుంటుంబం ఊపిరి పీల్చుకోలేదు. ఏదేమైనా.. అటవీ ప్రాంతాలకు దగ్గరగా ఉండేవాళ్లు కాస్త జాగ్రత్త వహించాల్సిందే సుమా.. ఎండలకు తాలలేక పాములు ఇంట్లోకి వచ్చి రిఫ్రిజిరేటర్లలో, ఏసీల్లో తిష్టవేస్తున్నాయి మరి!