అసలు తండ్రెవరో చెప్పిన బయాలజీ ప్రయోగం.. అమ్మాయి ఆవేదన!

బయాలజీ ప్రాక్టికల్స్‌లో భాగంగా ఓ అమ్మాయి చేసిన ప్రయోగం తన తండ్రికి సంబంధించిన చేదు వాస్తవం తెలుసుకునేలా చేసింది. తల్లి చెప్పిన అసలు నిజం విని నిర్ఘాంతపోయింది. ఈ ఘటన దేశ రాజధాని ఢిల్లీలో జరిగింది. అన్య హెటిక్‌ అనే అమ్మాయి స్థానికంగా ఓ కాలేజీలో బైపీసీ రెండో సంవత్సరం చదువుతోంది. కాలేజీ ప్రాక్టికల్స్‌లో భాగంగా విద్యార్థులతో బ్లడ్ గ్రూప్ కనుగొనే ప్రయోగాన్ని చేయించారు. విద్యార్థులకు మరింత లోతుగా పాఠం అర్థం కావాలనే ఉద్దేశంతో ప్రతి విద్యార్థినీ వాళ్ల తల్లిదండ్రుల రక్తనమూనాలు సేకరించుకుని రమ్మని చెప్పారు.

అధ్యాపకులు చెప్పిన విధంగానే అన్య తన అమ్మానాన్నల రక్తనమూనాలను తీసుకొచ్చింది. వాటిలో తల్లిరక్త వర్గం ‘ఎ’ కాగా, తండ్రి రక్తం వర్గం ‘ఒ’. అయితే.. ఇప్పుడు అన్య రక్త వర్గం ‘ఎ’ లేదా ‘ఒ’ కావాలి. కానీ, అన్య రక్త వర్గం ‘ఏబీ’గా తేలింది. ఈ సందేహం గురించి అధ్యాపకులను అడగ్గా.. ఎక్కడో తప్పుజరిగి ఉంటుందని, మళ్లీ తల్లిదండ్రుల రక్త నమూనాలను తీసుకురమ్మని సూచించారు.

అయితే.. రెండోసారీ కూడా అదే ఫలితం తేలింది. దీంతో ఆమె తన తల్లితో జరిగిన విషయం గురించి చెప్పింది. తన తండ్రెవరో చెప్పమని ప్రశ్నించింది. ఆమె చెప్పిన సమాధానం విని షాక్‌కు గురైంది. అన్య తండ్రి ఆమె చిన్నతనంలోనే మరణించాడని ఆమె తల్లి చెప్పింది. ఇప్పుడు తన తండ్రిగా చలామణి అవుతున్న వ్యక్తితో ఆమె సహజీవనం చేస్తున్నట్లు తెలిపింది. తన జీవితంలో చోటు చేసుకున్న ఈ వింత అనుభవాన్ని అన్య ట్విట్టర్ ద్వారా పంచుకుంది.