పదహారేళ్ల కిందట భర్త రేప్‌ చేశాడంటూ...

పదహారేళ్ల కిందట భర్త తనపై అత్యాచారానికి పాల్పడి జీవితాన్ని బుగ్గిపాలు చేశాడంటూ ఓ మహిళ పోలీసులకు ఫిర్యాదు చేసింది. ఫిర్యాదు ఆధారంగా కేసు నమోదు చేసిన పోలీసులు అతడిని అదుపులోకి తీసుకుని కోర్టులో ప్రవేశపెట్టారు. అయితే బెయిల్ కోసం దరఖాస్తు చేస్తే కోర్టు అందుకు నిరాకరించింది. 13 ఏళ్ల వయసున్న మైనర్ బాలికతో శారీరక సంబంధం పెట్టుకోవడం చాలా తీవ్రమైన నేరంగా పేర్కొంది.

ప్రస్తుతం ఆ మహిళ తన నలుగురు పిల్లలతో కలిసి వేరుగా జీవనం సాగిస్తోంది. 2001లో గ్రామంలోని జరిగిన ఓ కార్యక్రమంలో తన స్నేహితురాలి సోదరుడు మత్తు మందు కలిపిన కూల్ డ్రింక్ తాగించాడు. డ్రింక్ తాగి స్పృహకోల్పోయిన నేను కళ్లు తెరచి చూసేసరికి రైల్లో ఉన్నాను.. నిందితుడు ధండుకాకు తీసుకెళ్లి నాపై అత్యాచారం చేశాడని ఆమె ఫిర్యాదులో పేర్కొంది. అప్పట్లో ఏం చేయాలో తెలియని వయసులో అతడితో కలిసున్నానని ఆమె తెలియజేసింది.

కొన్నాళ్ల తర్వాత ఎవరితోనూ మాట్లాడనీయకుండా అంక్షలు విధించడమే కాకుండా వేధింపులకు పాల్పడేవాడని తెలిపింది. అతడి వల్ల 2006లొ తొలిసారిగా ఓ బిడ్డ పుట్టాడని, తర్వాత మరో ముగ్గురు పిల్లల్ని కూడా కన్నట్లు ఆమె తెలిపింది. నిందితుడు 2011 నుంచి వేరే మహిళతో సంబంధం పెట్టుకుని తనను శారీరకంగా హింసించడంతో విసిగిపోయి 2012లో అతడి నుంచి దూరంగా వచ్చేశాను.

ఆ తర్వాత నలుగురు పిల్లను తీసుకుని తల్లిదండ్రులు దగ్గరకు వెళితే వారు తనను పట్టించుకోలేదు. గత్యంతరం లేక రాజ్‌కోట్‌లోనే ఓ ఇళ్లు అద్దెతీసుకుని పాచి పనులు చేసుకుంటూ జీవనం సాగిస్తున్నట్లు బాధితురాలు తన ఆవేదన వ్యక్తం చేసింది.

ఇన్నేళ్లూ ఎందుకు దీనిపై ఫిర్యాదు చేయలేదని నిందితుడు ఆమెను ప్రశ్నిస్తే అప్పట్లో నాకు అంత పరిణతి లేదని అంది. నా పిల్లల భవిష్యత్తు కోసం దీనిపై ఫిర్యాదు చేయాలంటూ తాను పనిచేసే యజమాని ప్రేరణ కలిగించడంతో పోలీసులను ఆశ్రయించానని పేర్కొంది.